Milikiyaasi 2:5 - Kafa Linguistics Project

⁵ “Biinna tookkaa ta giyeti wogo kashoon immichonaa diggeechona tuneti wogoone. Tawoo, ta wogetoommon biich tuniihoye. Ebiyoo taach bi shattemmoyichiye; biyoo taach shattiye. Ta shigoonoo oogiihe.

Milikiyaasi 2:5 ပူးပေါင်းရင်းမြစ်များ

Shoddo 61:5

Yeero, ta mookkoon waayehine; neech shattii beetinaꞌoyich ne tuniyaa beetoommon, iristoon taach immehine.

Shaahiyoo 14:2

Bi shaaddo kaamoo tuneti asho, Doono Yeerin shattiye; tunebaani xumme gommecho Doono Yeerin hoxehe.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Haddoo 25:7

Qeeshoo Harooni bushoochi bushoo, Elazaari bushoo Finihaasi ebin beeggiꞌi, iiteenaꞌo daggoochee tiyii, ginoon yechiꞌi,

Haddoo 25:8

ebi Israꞌeelee ashoon dabbii duukkaanooch giyiye; giyiꞌi ginoona Israꞌeelee ashoonaa ureenon xaaqqii kochiꞌi wuxiye. Ebina Israꞌeeleenaꞌo waanee naxo tooqqiye.

Haddoo 3:45

“Israꞌeeleenaꞌochi gutenee bushiishoo bullichi qoodoyich Leweenaꞌon, boonoshi gijjeenaꞌochi qoodoyich Leweenaꞌochi gijjeenaꞌon kichibe. Leweenaꞌo taacho tunebeete. Ta, Doono Yeeri taane.

Haddoo 8:15

“Boonoshin xallii, kaama tiijjaa giddeebeeti deejjoommon tuniyaꞌa ne giddiitoyee gubb, shuunee maddoyich danee duukkaanooch giyemminaꞌone.