Milikiyaasi 2:4 - Kafa Linguistics Project

⁴ Lewina tookkaa ta giyeti wogo manjiree bi beeyemmoyich, ebi getoon ittoshich ta deejjoon ariyemmo ittoshine, iye Beshe Mawe Doono Yeeri.

Milikiyaasi 2:4 ပူးပေါင်းရင်းမြစ်များ

1 Taateenaꞌo 22:25

Mikiyaasiyoo, “Ebiyoche, arooba aasheya gatooch ne giyiyooba, beeggemmo neene” iye.

Nehimi 13:29

Ta Nuggishoocho, qeeshittinee maddoon boonoshi eeꞌitoyich, wotta ne qeesheenaꞌonaa Leweenaꞌonochi wogoon boonoshi happitoyich, boonoshi shuunoon batteyaahine.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Erimiyaasi 28:9

Tunebaani diggeechon keemmiti keemecho, Doono Yeeri iberoo biin deejjito tuno bi arichemmo, bi keemmiti qaaro bi ceeniyoobaniye” iyo.

Hiziqeeli 33:33

Iberoochaa ebi bulli tunemmone; ebi tunehooba, boonoshi daggooch keemecho beemon ariyemminaꞌone” iye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 44:7

Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Haddoo 18:2

Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe.

Haddoo 18:21

Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.

Haddoo 25:12

Ebich ta diggee wogoon biinna tookki geddemmo ta tunoon biich gete.

Haddoo 3:11

Doono Yeeri Muusich ishichiye:

Haddoo 3:12

“Ebiyoche ta, maacwaqqo tuneti gutenee bushoochi qoodoyich Leweenaꞌon Israꞌeeleenaꞌo daggoochee deqqeto taane. Gutenee bushoo bulli taacho bi tunetoyich, Leweenaꞌo taacho tunebeete. Gibitsaa shiichii shiijjeti qaabboo bullin ta wuxiyooba, Israꞌeeleenaꞌoochee shiichii shiijjeti qaabboo bullin, ashoonaa gijjoonoochee taach bariito taane; taacho tunebeete. Ta, Doono Yeeri taane” iye.

Haddoo 3:45

“Israꞌeeleenaꞌochi gutenee bushiishoo bullichi qoodoyich Leweenaꞌon, boonoshi gijjeenaꞌochi qoodoyich Leweenaꞌochi gijjeenaꞌon kichibe. Leweenaꞌo taacho tunebeete. Ta, Doono Yeeri taane.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Luqaasi 10:11

‘Ittoshi toommooch miixoo bi tunemmoyich, no baatooch beeti ittoshi katemeexi quttoonolla tebbemmo noone; tunebaani ebin ariibote: Yeerichi taatittine ittoshi kellooch shaggetine’ getote.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.