Milikiyaasi 1:8 - Kafa Linguistics Project

⁸ Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Milikiyaasi 1:8 ပူးပေါင်းရင်းမြစ်များ

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Shoddo 20:3

Ne buuro bullinoo shalligibe; ne deejjoonoo gaawe aafoona ciine.

Erimiyaasi 14:10

Doono Yeeri ebi asheenaꞌoyich ishichii beetone: “Yallyallimoon shunnitinaꞌone; boonoshi baatoon yeshaaneenaꞌone; ebich Doono Yeeri ta boonoshina emiraachemmo taane; boonoshi xuꞌoonoo and gabemmo taane; boonoshi axaaxoonoo naxemmo taane” iye.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Milikiyaasi 1:7

“Ta shigoon ittoshi giishiito, deejjee gudooch eeꞌe maayoon giddiyoonane. ‘Ne shigoon no eeꞌiito amoonane?’ ii echehote; ‘Doono Yeerichi madoo hoxeetone’ ittoshi getonane.

Yibbaatoo 15:21

Tunebaani ebi gijjoo baata sheqqo woyee aaf doogo woyee bachiti mooyo amolla bi achooch beeto bi tunegaata, ne Nuggishoo Doono Yeerich deejjoo tunii giddiyaahine.