Milikiyaasi 1:6 - Kafa Linguistics Project

⁶ Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 1:6 ပူးပေါင်းရင်းမြစ်များ

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Shaahiyoo 17:6

Geeneenaꞌoyich, bushaa bushiisheenaꞌo gubbichoomminaꞌone; bushiisheenaꞌoyichoo boonoshi niheenaꞌo oogee yiireenaꞌone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 43:23

Micciibeeti deejjoyich tunemmi bagoon taach deebaano neene; woyee ne deejjoona taan oogiyaano neene; ‘Maayi buuroon deebe’ getona neen iritiyaano taane; ‘Ixaanee deejjoon giddiibe’ getonoo neen yulliyaano taane.

Isiyaasi 45:10

Bi nihoon ‘Amoyichiye taan ne shiyeto?’ bi indeenoo ‘Amoyichiye taach maaxoo ne manjeto?’ ii beetoyich woowo!” iye.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Erimiyaasi 23:11

“Keemechinaꞌonaa qeesheenaꞌona taach qeyaaneenaꞌo tunetinaꞌone; boonoshi gondoon ta kechi maacooch beddaahaa daneto taane” iye Doono Yeeri.

Erimiyaasi 3:4

“Andoo ‘Ta nihoocho, bushittinee ta xiboocho!’ iyaa taan ceeggehine.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Erimiyaasi 35:16

Rekaabichi bushoo Yonadaabichi yareenaꞌo boonoshi qaabbecho boonoshich gettiton ceechitinaꞌone; tunebaani hini asheenaꞌo taach deꞌa getaaneenaꞌone.

Hiziqeeli 22:26

Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye.

Hosee'i 12:8

Efreemi ‘Gaanneto taane; hajjoonoo daneto taane. Ebi gaanno beetaa koniyoona ta waanee axaaxoon woyee xuꞌoon danoon hakkaachemmone’ iye.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 5:1

“Qeesheenaꞌote, ebin waayebote! Israꞌeelee yareenaꞌote, shalligibote! Taatee yareenaꞌote, waayebote! Nalloo ittoshi toommooch waatone. Ebiyoo Mitsiphaa olloon, Taabooraa yaggeeti dabboon ittoshi tunetoyichiye.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Sofoniyaasi 3:4

Keemechinaꞌo geecechinaꞌonaa gibeneyaaneenaꞌonane; qeesheenaꞌo yaafoo tuneton eeꞌiiheete; sheeroonoo shaaddeheete.

Milikiyaasi 2:1

Beshe Mawe Doono Yeeri ishichiye: “Qeesheenaꞌote, ebi geto ittoshichiye. Elloon ittoshi qayigaata, taan oogiyoyich ta qaaroon ittoshi mullooch kotiyoo ittoshi qayigaatoo, ittoshin uppemmo taane; ittoshi diiroon ufooch shaddemmo taane. Mulloochee tiijjiꞌi taan oogiyoo ittoshi qajjitoyich, ittoshin uppeto taane.

Milikiyaasi 2:10

No bulliyona ikke Nihoochi bushiishoo toono noone? Noon hallito ikke Nuggishoo toone? Ishigaata, noonnaa noonna gibeneyee qayona, Yeeri no qaabbechinaꞌona tookkii giyiti wogoon no happaabeeto amoyichiye?

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 15:4

Yeeri ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Maatiyoosi 15:6

bi nihoonaa bi indeenon dego qaawiyaache’ ii beeto ittoshine. Ittoshi doyoocha iꞌi Yeerichi qaaroon biichito ittoshine.

Maatiyoosi 19:19

ne nihoonaa ne indeenon oogiibe; neenoommi ne manoon neenna tachiree shune’ ii beetoniye” iye.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Maatiyoosi 7:21

“Shimaayooch beeti ta Nihoochi daaggoon ceechii beetoani, baad taan ‘Ta Doonocho, ta Doonocho!’ ii beeto bulli shimaajji taatittineech giyemmo toonoone.

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Maariqoosi 7:10

Muusi ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Luqaasi 10:29

Are uroo bi qelloon deꞌo tuniiya qaawiꞌi Yesuusin “Ta manochi konine?” iꞌi echehe.

Luqaasi 18:20

Muusichi Sheeroon ariibeeto neene; aroo ‘Shunoon maayaahine; ashoon wuxiyaahine; gaajjaahine; asho koni toommoochona kootoon miixeyaahine; ne nihoonaa ne indeenon oogiibe’ ii beetone” iye.

Luqaasi 6:36

Illa ittoshi Nihoo Yeeri ariqqecho bi tunetoommon ittoshiyoo wotta ariqqechon tunebote” iye.

Luqaasi 6:46

“Ta gettaa beeton ceechaachote. Illa amoyichiye ‘Ta Doonocho, ta Doonocho’ iꞌi taan ittoshi ceeggiibeeto?

Efesooni 6:2

“Gaaweto neech bi tunemmoyich, ne kashoo hini showee toommooch bi genjemmoyich, ne nihoonaa ne indeenon oogiibe” ii beeto gibenee qaaro beeti batti batti Yeerichi getoone.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.