Milikiyaasi 1:4 - Kafa Linguistics Project

⁴ Edoomee asheenaꞌo diqqich “No katemeenaꞌo boonoshi happeetaanona wochi shuunemmo noone” gettemminaꞌone. Tunebaani Beshe Mawe Doono Yeeri ishichiye: “Shuunemminaꞌone; tunebaani ta happemmo taane. Asheenaꞌo boonoshi showoon ‘Xuꞌee showoo’ boonoshinoo ‘Doono Yeeri bulli yemeenoon kaareti asheenaꞌo’ gettemminaꞌone” iye.

Milikiyaasi 1:4 ပူးပေါင်းရင်းမြစ်များ

Iyoobi 12:14

Yeeri happiton koniyoona hagon hakkaache; bi cuchii hicciton koniyoona qechii kichoon hakkaache.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Iyoobi 9:4

Yeeri shalligechonaa giidechonane; biinna tookkii gajjiteeꞌi diggeto konine?

Shoddo 127:1

Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.

Shoddo 137:7

Doono Yeero, Yerusaalemi yechehooba, Edoomee asheenaꞌo “Happibote, happibote!” boonoshi iton batteyaahine!

Shoddo 33:10

Doono Yeeri aageteenaꞌochi yamoon duubo tuniyemmone; macceenaꞌochi gaboonoo guuppemmone.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 34:10

Xumoonaa areddoonon qaaqqoo tahaachemmone; bi cufoo bulli yemeenoon tuqi beeyemmone; showoo shiijjeroochee shiijjerooch beddaahaa shokkoon echemmone; bulli yemeenooch koniyoona aroona besheyaachemmone.

Isiyaasi 34:5

Ta goraado bi digaayemmi wottoon shimaayoochaa uchitone; Edoomeenaꞌo toommooch, aallebeete ta iti asheenaꞌonochi toommoochoo nalliya kindemmone.

Erimiyaasi 31:17

Gubbich gibeno neech beetone” iye Doono Yeeri. “Ne bushiisheenaꞌo boonoshi hajjee showooch wotte woyemminaꞌone.

Erimiyaasi 49:20

Ebich Doono Yeeri ta, Edoomi toommooch tuniiya ta itonaa Temaani katemooch beetinaꞌo toommooch ta gabiti gaboonon waayebote: Gijjeenaꞌoochee bagee gaggereenaꞌolla geecheyemminaꞌone; boonoshi dogo shokkoon echemmone.

Erimiyaasi 49:7

Edoomichon Beshe Mawe Doono Yeeri ishichiye: “Temaani katemooch ariyoo aalloone? Shalligechinaꞌo waanee ciico aalletone? Boonoshi ariyoo ciiretone?

Erimiyaasi 49:8

Biin ta naxemmi Esayichi aalloon bi toommooch ta deebemmi aabo tunetoyich, Dedaani katemooch kotetinaꞌote, gubb wotte wociree xaqqee gofooch kotebote.

Erimiyaasi 5:17

Budeexi ne maayoonaa kexeexi ne maayoonon, maa aalliyemminaꞌone; ne anaami bushiisheenaꞌonaa ne maache bushiisheenaꞌonon wuxemminaꞌone; ne bageenaꞌonaa ne miiminaꞌonon bashi maayemminaꞌone; ne woyinoonaa ne balaasoonon aalliyemminaꞌone; ne gibenaabeeti manje ne katemeenaꞌon happi, asheenaꞌon goraadoona wuxemminaꞌone” iye.

Shoosho 3:37

Doono daaggaanoon, bi geto ceeno hakkemmo konine?

Hiziqeeli 11:10

Ginoona dihemmo ittoshine; Israꞌeelee showee daaroochaa ittoshi toommooch nallemmo taane; ebiyooba Doono Yeeri ta tunoon ariyemmo ittoshine.

Hiziqeeli 25:13

Ebich Nuggishoo Doono Yeeri ta ishichiyoye: Ta mochoon Edoomi toommooch yaggemmo taane; bi daggoochee ashoonaa gijjoonon aalliiree, hulloo echiyemmo taane. Temaani katemoochee tiijji Dedaani katemooch beddaahaa goraadoona dihemminaꞌone.

Hiziqeeli 25:14

Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Hiziqeeli 26:14

Shokkaache xaqqoon neen tuniyemmo taane; haashe yesheenaꞌo boonoshi dabboon ichiibeeti xaaꞌoon tunemmi neene; ebiyee bekk wochinnoon shuuneyaachemmi neene; ebiyoo Doono Yeeri ta gettetoyichiye’ iye Nuggishoo Doono Yeeri.

Hiziqeeli 35:4

Ne katemeenaꞌon happemmo taane; newoo shokkoon echemmo neene; ta, Doono Yeeri ta tunoon ariyemmo neene.

Hiziqeeli 35:9

Bulli aabooch shokkoon neen echiyemmo taane; ne katemeenaꞌo asho beetaachemminaꞌon tunemminaꞌone; aroochee ta, Doono Yeeri ta tunoon ariyemmo ittoshine.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 3:15

Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Amootsi 6:11

Doono Yeeri getaa ogooge kexonaa gishiishi kexona tiisheree burico tunemmone.

Amootsi 6:2

Ittoshiyoo ittoshi asheenaꞌoyich, “Eke Kalini katemooch hambote; aricheti katemoo tuneti Hamaat hambote; wotta Filsixeemeenaꞌochi katemoo tuneti Gaat hambote. Ebi areenaꞌo Yihudee showoonaa Israꞌeelee showoonoyee besheheete? Boonoshi showoo ittoshi showoyee beshehe?” iyote.

Abidiyi 1:1

Edoomee asheenaꞌochon Nuggishoo Doono Yeeri Abidiyich bekkiiti yaaꞌoo: Wochoon Doono Yeer waanee waayeto noone. Aageteenaꞌo waan wocheyechon bi daachiitaa, “Tibote, Edoomeenaꞌon keyi koyone” itone.

Abidiyi 1:10

“Ne manoo Yaaqobichi shiijjereenaꞌon ne xuqqetoyich, oogichi yeellemmo neene; bulli yemeenoonoo aallemmo neene.

Milikiyaasi 1:3

Esayin shixxoye. Geppe bi showeenaꞌon barahoo tuniihoye; bi hajjoonoo barahee boqqelleenaꞌoyich beshiyaa immehoye” iye.

Maatiyoosi 12:30

“Taanna tookkii neexeyaano taan shixxii beetone; taanna tookkiinoo kicaano shaccii beetone.