Mikiyaasi 7:9 - Kafa Linguistics Project

⁹ Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Mikiyaasi 7:9 ပူးပေါင်းရင်းမြစ်များ

2 Saameeli 24:17

Daawiti asheenaꞌon wuxiibeeti maraakoon beeggiꞌi, Doono Yeerich ishichiye: “Axaaxoon shuuneto taane; boonoshi qiddoo tunaachaa gondeto ta qelloona taane. Hini bagoommi asheenaꞌo aalliiti mooyo aalloone. Taannaa ta nihoochi kechi asheenaꞌonon baach ne naxemmoyich neen qollehoye” iye.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 35:14

Ishigaata, ne mooyon bi aafooch giddiyaꞌa biin quyaabee, ‘Biin beegaano taane’ ne geti beetaa, ne mooyon aabichiree waayeba?

Shoddo 119:154

Ta qoodoon taggebe; taan biishebe; ne gibenikkitoommon kashoona taan neechibe.

Shoddo 37:6

Ne cadiqittinoon ceechoommon, ne dayinnetoon areddee aaboommon, bi aaxxemmoyich tuniyemmone.

Shoddo 43:1

Yeero, taach nallibe; Yeerich qeyaani asheenaꞌona ta taggoon taggebe; dachechinaꞌonaa gonde asheenaꞌona waanee taan wodiibe.

Shoddo 7:6

Doono Yeero, ne kaaroona tibe; kaaroona tiyiti ta etteenaꞌo toommooch tibe; tiyiree, dayinnetoona bi nalleyemmoyich tuniibe.

Shoddo 94:15

Dayinneto nallee gabberooch wottemmone; mulli kaameenaꞌo bulli aroon dabbemminaꞌone.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Isiyaasi 56:1

Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Erimiyaasi 10:19

Ta tiishetoyich taach woowo! Ta mayo wodemmo toonoone; tunebaani ta “Ebi iberoochaa ta mayone; ebin haaꞌiyoo taach qaawiihe” iyo.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Erimiyaasi 51:10

“Israꞌeeleenaꞌoo ‘Doono Yeeri nooch bi nallitoyich ittoshi waataa, Tsiyoonaa no Nuggishoo Doono Yeerichi shuunoon getone’ gettemminaꞌone.

Shoosho 1:18

“Bi qaaroyich deꞌa getaane ta tunetoyich, Doono Yeeri ebin tuniyoona cadiqoone. Bulli asheenaꞌote, waayebote; ta xuuxoonoo beegote; ta gidiideenaꞌonaa ta gurimaasheenaꞌona kecaa hammitinaꞌone.

Leweenaꞌo 26:41

ebiyoo boonoshin ta shixxemmoyich tuniiti, wotta boonoshi etteenaꞌo showooch kecaa boonoshi hammemmoyich tuniiti boonoshi xuꞌoon aanniꞌi, getaa giyaani boonoshi mulloon kaachiꞌi, boonoshi xuꞌoyich bede sheeroon boonoshi deꞌigaata,

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

1 Saameeli 24:15

Andoo Doono Yeeri nallecho tuneree, neennaa taanna daggooch nallibe. Ta mooyon beegiree bi ta qoodoon taggebe. Ne kishoocheenoo taan wodiibe” iye.

1 Saameeli 25:39

Daawiti Naabaali qitoon bi waayehooba, ishichiye: “Naabaali taan bi naaggiti naagoyich nichoon kichiti, wotta bi guuno ta, gonde mooyon ta tuniyaachemmoyich taan quyeti, Doono Yeeri galleteebe. Doono Yeeri Naabaali shuuneti gondoon bi toommooch wochitone” iye. Daawitiyoo Abigelin shaagga wocheyechinaꞌon bi waan daachiihe.

1 Saameeli 26:10

Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone.

1 Saameeli 3:18

Ebich Saameeli bulli mooyon biich gettiye. Ikke mooyonona biich aachaanoone. Eeliyoo “Bi, Doono Yeerine. Gaaweto tuneꞌi biich bekketon tuniibe” iye.