Mikiyaasi 7:6 - Kafa Linguistics Project

⁶ Ebi arooba anaami bushiisheenaꞌo boonoshi niheenaꞌon qallayemminaꞌone; maache bushiisheenaꞌo boonoshi indeenaꞌo toommooch, naamecheenaꞌoo boonoshi amaateenaꞌo toommooch tiyemminaꞌone. Ashich etto tunemminaꞌo bi hajjee kechi asheenaꞌone.

Mikiyaasi 7:6 ပူးပေါင်းရင်းမြစ်များ

Halloo 49:4

Tunetaa xuuqqishecho ne tunetoyich, bareenaꞌoyee damboo tuneyaachemmo neene; ebiyoo ne nihoo ta naamacheen ne qeyetoyichiye; ta beeroonoo ne eeꞌitoyichiye.

2 Saameeli 16:11

Aroochee Daawiti Abishayinaa bi naayinaꞌo bullinoyich ishichiye: “Ta hajjee bushoo ebiyoche taan wuxiya qaawii beetone. Ishigaata, hini Biiniyaamee yoodo tuneti uro, ebin bi tuniyoo worganikkeshone? Doono Yeeri bi uppemmoyich bi tuniitoyich, ittoshi qayaa ufe.

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Isiyaasi 3:5

Asho biinnaa biinna ikkoo baroon neexi hajjemmone; asho bulli bi nuuchoo toommooch, asho bulli biinoommi bi manoo toommooch tiyemmone; bushoo oogoon hoxemmone; gaacaalli asho moogeeti ashi toommooch tiyemmone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Erimiyaasi 12:6

Ne maneenaꞌonaa ne yareenaꞌona neen dawushitinaꞌone; ne aalloochaa ne toommooch tiyii cookee beetinaꞌone; neenna tookkii gaawe noonoona boonoshi yibbaatetaanona, boonoshin gibeneyaahine” iye.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Erimiyaasi 9:4

“Manoo bulli marecho bi tunetoyich, xiboo bulli oonecho bi tunetoyich, ittoshi bulli ittoshi xibeenaꞌon diqqeyaahote; ittoshi maneenaꞌonoo gibeneyaahote.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Abidiyi 1:7

Ne yeshechinaꞌo bulli neen dachemminaꞌone; ne showoochee neen yoohi kichemminaꞌone; ne shunechinaꞌo neen koyi wochemminaꞌone; ne maayoon maatinaꞌo neech olloon ollemminaꞌone; boonoshiyoo neen, ‘Bi ariyoo aaye?’ gettemminaꞌone.

Maatiyoosi 10:21

“Arooba manoo bi manoon, nihoo bi bushoon wuxemmoyich beshiiree immemmone; wotta bushiisheenaꞌo boonoshi niheenaꞌonaa indeenaꞌonochi toommooch tiyiree wuxiyemminaꞌone.

Maatiyoosi 26:23

Yesuusi wochiꞌi, “Taan beshiiree immemmo taanna tookkii ikke shaatooch dukkee beetone.

Luqaasi 12:53

Nihoo bi bushoo toommooch, bushoo bi nihoo toommooch, indee bi bushee toommooch, busheyoo bi indee toommooch, amaatee bi naamechee toommooch, naamecheyoo bi amaatee toommooch tiyiree kaaremminaꞌone” iye.

Luqaasi 21:16

Ittoshi nihoonaa indeena, maneenaꞌo, xibeenaꞌo ittoshi shunechinaꞌolla ittoshi toommooch nallemminaꞌoyich beshiiree ittoshin immemminaꞌone; boonoshiyoo ittoshi daggoochee ikkikkeenaꞌon wuxiyemminaꞌone.

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.