Mikiyaasi 7:18 - Kafa Linguistics Project

¹⁸ Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Mikiyaasi 7:18 ပူးပေါင်းရင်းမြစ်များ

Halloo 4:7

Gaaweton ne shuuneto gaata, ne aafo biresho toone? Tunebaani gaaweton tuniyoo ne qayigaata, axaaxoo ne kellooch ottitone; bi qaatoo neen hajjemmone; tunebaani ne bi toommooch taatebe” iye.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

2 Kiinoo 30:9

Ittoshi Nuggishoo Doono Yeeri shoodechonaa maarechona bi tunetoyich, bi waan ittoshi wottegaata, bi aafoon ittoshi waanee bara wochaachemmo bi tunetoyich, Doono Yeer waan ittoshi wottegaata, ittoshi maneenaꞌonaa ittoshi bushiisheenaꞌonon keccitinaꞌo boonoshich ariqqeree, hini showooch boonoshi wottemmoyich tuniyemminaꞌone” ii beetone.

2 Kiinoo 6:21

Ne guuno taannaa ne asheenaꞌo tuneti Israꞌeeleenaꞌona hini xaaꞌoo waan wottaachaa no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Shoddo 103:13

Nihoo bi bushiishoyich bi ariqqoommon, Doono Yeeri biin shattii beetinaꞌoyich ariqqehe.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 35:10

Ta ashittino bulli neech ishichemmone: “Doono Yeero, hakka guutoon, biyee beshe kuppho waanee, hakka guutoonaa girechonon neexxii hajjiibeeto waanee, wodiibeeto, neenoommo konine?” gettemmone.

Shoddo 65:3

Axaaxoo noon qooxiyooba, ne, no xuꞌo bullin maarihine.

Shoddo 65:4

Ne kaacceti asho, ne addibaabooch bi beeyemmoyich, ne waan ne katichiti asho, diireetone. Nowoo ne kexeexi gaawe mooyona, ne yaafee kexeexona michemmo noone.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 89:6

Shimaayooch Doono Yeerin shaahemmo konine? Shimaayeexi halleenaꞌo daggooch Doono Yeerina tatemmo konine?

Shoddo 89:8

Beshe Mawe Nuggishoo Doono Yeero, neenoommi hakkecho konine? Doono Yeero, ne bulli mooyona gibeneeto neene.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 38:17

Ebiyoche oogichaa ta caammo taach gaacoon tunehe; newoo ta kasheen aallee oppoochee wochihine; ta axaaxoo bullin ne gubb duppehine.

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 40:25

“Ishigaata taan, konina tookkii toyiihote? Konina tookkii tachiyote?” iye Yaafoo tuneti Yeeri.

Isiyaasi 43:25

“Ta shigoyicha geti ne axaaxoon maaremmo, ta qelloona Yeeri taane; ne axaaxoon gabaachemmo taane.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 57:10

Ne gommi genjoochee tiyitona maraatehine; tunebaani ‘Ebi gaacaalloone’ getaane neene; ne giidoo kupphehani nireyaanoone.

Isiyaasi 57:16

Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.

Isiyaasi 62:5

Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.

Isiyaasi 64:9

Doono Yeero, shineree noon kaareyaahine; no axaaxoonoo bulli yemeenooch gabiyaahine; no bulliyona ne asho no tunoon gabibe.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Erimiyaasi 3:12

Dambi-waan hamiree ebi qaaroon ishichi awaajjibe: ‘Gibeneyaani Israꞌeele, ta waan wottebe’ iye Doono Yeeri. ‘Ariqqecho ta tunetoyich kaaroona neen ciinaachemmo taane; bulli aabooch kaareyaachemmo taane’ iye Doono Yeeri.

Erimiyaasi 3:5

‘Bulli aabooch kaarenne? Ciirooch beddaahaa ippenne?’ iibee axaaxoon shuunoochee wotteyaache iyine” iye.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Erimiyaasi 31:34

Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Erimiyaasi 33:8

Taan boonoshi xuqqiti axaaxoo bulliichee boonoshin xalliyemmo taane; taan boonoshi xuqqiti, axaaxoo bullinaa ta toommooch boonoshi tiijjiti hukkoonon echebe gettemmo taane.

Erimiyaasi 38:8

Ebeedmeleeki taatee kexoochee kechii hammiꞌi taatoyich ishichiye:

Erimiyaasi 50:20

Ebi ta echiiti cureenaꞌon maaremmo ta tunetoyich, aroobee aaboonaa aroobee yemeenoonooch Israꞌeeleenaꞌochi xuꞌo qaaweyemmone, tunebaani daneyaachemmone; Yihudee asheenaꞌochi axaaxoo qaaweyemmone, tunebaani daneyaachemmone” iye Doono Yeeri.

Erimiyaasi 9:24

tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.

Hiziqeeli 18:23

Axaaxechi ashi qitoona emirehote? Ta emiroo asho bi gondoochee wotteꞌi kashoona bi beemona toone? iye Nuggishoo Doono Yeeri.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 33:16

Bi shuuneti axaaxoo bulli ciiroona haddeyaachemmone; dayinnetoonaa cadiqe mooyonon bi tuniitoyich iberoochaa kashoona beeyemmone.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 7:8

Doono Yeeriyoo taach ishichiye: “Amootso! Ebi ne ciinnaabeeti mooyo amoone?” iye. Tawoo “Tumbine” iyo. Yeeriyoo ishichiye: “Ta asheenaꞌo tuneti Israꞌeeleenaꞌo gaꞌiitaa shuuneeti xaqqee uxeroomminaꞌo boonoshi tunoon bekkiyoyich, tumbin yaggaabeeto taane. Ebiyee gubb boonoshin maaraachemmo taane.

Amootsi 8:2

Biyoo taan “Amootso, ebi ne ciinnaabeeti mooyo amoone?” iꞌi echehe. Tawoo “Mokkee ceeni, manjeebeeti gaangiti michi aafoone” iyo. Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane.

Yoonaasi 4:2

Doono Yeer waan ishichiꞌi corootiye: “Doono Yeero, ta showooch beechaa, ta getteto ebin toone? Kaataꞌa Tarishesh maxxiya ta tiyeto, ebichiye. Ne, ariqqechonaa deꞌe Nuggishoona, kaaroyich nibbecho, wodde shoodechonaa maarechona, naxoon kindiyoochee qajjaa wottaabeetoo ne tunoon ariito taane.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Haddoo 23:21

Gubbich, Yaaqobi toommooch shaggemmi gonde mooyo bekkeyaanoone; Israꞌeel waanoo shaggemmi duꞌo aalloone. Boonoshi Nuggishoo Doono Yeeri boonoshina tookkii beetone; taatoyich ilileebeeti ililoo boonoshi daggoochiye.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Roomi 11:4

Tunebaani Yeeri ama iiniye bi wochito? “Baꞌaaloyich goyinneyaani shabaatte hume asheenaꞌon taach echiito taane” iye.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.