Mikiyaasi 7:14 - Kafa Linguistics Project

¹⁴ Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Mikiyaasi 7:14 ပူးပေါင်းရင်းမြစ်များ

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 143:5

Wonnee yemeenoon gabiyoye; ne shuunoo bullin kichaa kindiihoye; ne kishee shuunoo bullin yexiihoye.

Shoddo 28:9

Ne asheenaꞌon wodiibe; ne iristeenaꞌon diiribe; boonoshich qiddoon tunebe; bulli yemeenoon boonoshin shiimebe.

Shoddo 95:7

Bi, no Nuggishoone; nowoo bi shiimeebeeti asho noone; bi qiddeebeeti bago noone. Hanaach bi qaaroon ittoshi waayegaata,

Keyo 33:16

Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.

Solomooni 4:1

Ta shiiqqe, ne, malletechi neene; ne, korootee neene. Ne aafoon qeriti qoreddee gubbaa, ne aafo daabbicheyoommone; ne qelli yilloo Gilaadee guudoochee dugilla kindiibeeti, emmishee gotoommone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Isiyaasi 37:24

Ne wocheyechinaꞌona Doono taan cooneto neene. Newoo “Wodde ta gaarinaꞌona genje guudinaꞌooch, Libanoosichi cullullooch kecheto taane; genji genje ciideenaꞌon, macecikkiti yigeenaꞌon dichito taane; are showee daareenaꞌooch, gaawe shaareenaꞌooch shaggeto taane;

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 65:10

Taan qaawiibeeti ta asheenaꞌoyich, Shaarooni bagee gaddo, Akoori bamboo miiminaꞌo miqqee xaaꞌoo tunemmone.

Erimiyaasi 49:31

“Tibote, keqqaalloon diggoona beeti ashoon koyote” iye Doono Yeeri. “Kelloonaa tuggoona aalloon bi ikkeeto koteꞌi beeton koyote.

Shoosho 1:7

Yerusaalemi bi xuuxee aabooba, bi yallyallimee aabooboo, wonnee bi oogoon gabiyan. Yerusaalemi bi etteenaꞌo kishooch dihiyooba, biin gaachemmo aallehooba, bi etteenaꞌo bi dihoon beeggiꞌi diigii cooneheete.

Shoosho 5:21

Doono Yeero, ne waan noon wochibe; nowoo wottemmo noone; no yemeenoonoo wonneechoommon andiriibe!

Hiziqeeli 36:11

Ashoonaa gijjoonon ittoshi toommooch woddiyemmo taane; boonoshiyoo woddemminaꞌone; aafemminaꞌone; wonnee ittoshi gooroommon arooch ittoshi beeyemmoyich tuniyemmo taane; aafichoyee beshoon gaawe mooyon ittoshich tuniyemmo taane; Doono Yeeri ta tunoon ariyemmo ittoshine.

Leweenaꞌo 27:32

Ittoshi miimon, bagoonaa emmishoonon ittoshi haddimmona aashiri aashireexi ikkoo Doono Yeeri taach kechito tunebe.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Abidiyi 1:19

Negeebee asheenaꞌo Esayichi guudinaꞌon, Shefeeli worebe showeexinaꞌoo Filsixeemee showoon yechemminaꞌone; Efreemee showoonaa Shamaaree showoonon yechemminaꞌone; Biiniyaamee asheenaꞌoo Gilaadee showoon yechemminaꞌone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Zakaariyaasi 10:10

Gibitsee boonoshin wochi deebemmo taane; Asooree showoocheenoo boonoshin kicemmo taane. Gilaadee showoonaa Libanoosee showoonooch boonoshin deebemmo taane; showoo boonoshich bedaachemmone.

Zakaariyaasi 11:7

Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho.

Milikiyaasi 3:4

Doono Yeeriyoo wonnee yemeenoonaa aafi natinaꞌonochoommon Yihudee asheenaꞌonaa Yerusaalemi asheenaꞌonochi deejjoona emiremmone.

Haddoo 23:9

Guudinaꞌo toommoochaa boonoshin ciinnaabeeto taane; geppeenaꞌo toommoochaa boonoshin beeggaabeeto taane. Aageteenaꞌona tookkii bacceyaanoon bariꞌi boonoshi qelloona koteebeeti asheenaꞌone.

Haddoo 32:1

Roobeelinaa Gaadinochi yoodeenaꞌoyich meeti gijjoo beetone. Boonoshiyoo Yazeeree showoonaa Gilaadee showoona gijjeenaꞌoyich mashaamiti xaaꞌoo tunoon beeggiꞌi,

Yowannisi 17:16

Tawoo alemeexo ta tunee qayoommon boonoshiyoo tooneenaꞌone.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.