Mikiyaasi 7:10 - Kafa Linguistics Project

¹⁰ “Ne Nuggishoo Doono Yeeri aaye?” iti ta etteenaꞌoo beeggemminaꞌone; oogichishoo yeellemminaꞌone. Gommeexi dengo koteeyoommon boonoshi kotee beetaa, tawoo ta aafoona beeggemmo taane.

Mikiyaasi 7:10 ပူးပေါင်းရင်းမြစ်များ

2 Saameeli 22:43

Boonoshin yiikkaꞌa quttoon tuniihoye; gommooch beeti dengoochoommon, boonoshin kotoye.

Shoddo 109:29

Taan taggee beetinaꞌo cooneyoon tahebeete; yeelloonoo tahoochoommon xappibeete.

Shoddo 115:2

Aageteenaꞌo amoyich, “Boonoshi Nuggishoo aaye?” geteeta?

Shoddo 18:42

Boonoshin yiikkaꞌa yongo daammiibeeti quttoon tuniihoye; gommooch beeti dengoochoommon, boonoshin kotehoye.

Shoddo 35:26

Ta iriteyoona emirii beetinaꞌo yeellebeete; boonoshichoo tambibe. Ta toommooch kaama ciixee beetinaꞌo yeelle giishebeete.

Shoddo 42:10

Ta etteenaꞌo wochii wochii, “Ne Nuggishoo aaye?” iibee taan coonemmona, ta shaawusho tiishehe.

Shoddo 42:3

Asheenaꞌo wochii wochii “Ne Nuggishoo aaye?” boonoshi immona, xumoonaa areddoonon, ta acimo taach maayoon tunehe.

Shoddo 58:10

Gondeenaꞌo toommooch nichoo kicheetaa beegiree, cadiqe asho emiremmone; gondeenaꞌochi damoona bi baatoon machemmone.

Shoddo 79:10

Aageteenaꞌo amoyich “Boonoshi Nuggishoo aaye?” geteeta? Ufeti ne guuninaꞌochi damee nichoon ne gaacon, no ciini beetaa aageteenaꞌoyich arichiibe.

Shoddo 92:12

Cadiqeenaꞌo yeebbee mixochoommon waarwaariyemminaꞌone; Libanoosee yigoochoommon diccemminaꞌone.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 41:25

“Dambi-waanee ikkoon tiijjiyoye; biyoo waatone; aabi-keyoochee woyemmo ta shigoon ceeggemmo biine; nuuqqee achecho nuuqqoon bi neexoommon, biyoo ukkireenaꞌon neexxemmone.

Erimiyaasi 49:15

“Ebiyoche aageteenaꞌo daggooch giishecho, asheenaꞌo daggoochoo hoxeeto, neen tuniyemmo taane.

Erimiyaasi 51:24

Doono Yeeri ishichiye: “Tsiyooni toommooch boonoshi tuniiti gondee kaalloon Baablooninaa Kalidee showooch beetinaꞌo bullinochi toommooch, ittoshi ciini beetaa ittoshi aafoochaa wochemmo taane” iye Doono Yeeri.

Erimiyaasi 51:51

Naagoon no waayetoyich cooneeto noone; dallaawe asheenaꞌo Doono Yeerichi yaafee kechi yaafe xaaꞌooch boonoshi giyitoyich, yeello no aafoon qeritone.

Hiziqeeli 7:18

Dookoon tahemminaꞌone; keqqoo boonoshin yechemmone; bulliyona yeellemmone; boonoshi qelloon cakkemminaꞌone.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Yoꞌeeli 2:17

Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Abidiyi 1:10

“Ne manoo Yaaqobichi shiijjereenaꞌon ne xuqqetoyich, oogichi yeellemmo neene; bulli yemeenoonoo aallemmo neene.

Abidiyi 1:12

Gonde mooyo ne maneenaꞌo toommooch shagiyooba, diiga bedaano neene; boonoshi aallee aabooba, Yihudee asheenaꞌo toommooch emira bedaano neene; boonoshi duꞌee aabooba geeca bedaano neene.

Mikiyaasi 4:11

And illa, meeti aageteenaꞌo ittoshin kocha kiceetinaꞌone. Boonoshiyoo “Yerusaalemi eeꞌebuye; happaa bi aalloon no aafoona beeggemmo noone” ii beetinaꞌone.

Mikiyaasi 7:8

Ta ettoocho, taanna emiriyaahine! Ta dihitaanona tiyemmo taane; manderooch ta kotetaanona Doono Yeeri taach bekkoon bekkiyemmone.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Milikiyaasi 1:5

Ebinoo Israꞌeeleenaꞌo boonoshi aafoona beeggemminaꞌone. Boonoshiyoo “Israꞌeelee showoyee maachaanolla Doono Yeeri giidechone” gettemminaꞌone.

Milikiyaasi 4:3

Ta shuunemmi aabooba gondeenaꞌo ittoshi baatee dechiich tulloon tunemminaꞌone. Ittoshiyoo boonoshin neexxemmo ittoshine” iye Beshe Mawe Doono Yeeri.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.