Mikiyaasi 6:8 - Kafa Linguistics Project

⁸ Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Mikiyaasi 6:8 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 5:22

Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe.

2 Kiinoo 30:11

Tunebaani Aseeri, Minaasinaa Zebulooninochi asheenaꞌoochee ikkikkeenaꞌo boonoshi qelloon giishiiꞌi, Yerusaalem waaheete.

2 Kiinoo 32:26

Tunebaani ciiroochaa Hiziqiyaasinaa Yerusaalemi asheenaꞌona boonoshi qelloon giishiiheete. Ebich Hiziqiyaasichi taatee yemeenooch Doono Yeeri kaaro boonoshi toommooch waataanoone.

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Nehimi 9:13

“Siini guudi toommooch kindihine; shimaayoochaanoo boonoshina tookkaa yibbaatehine; gaawe doyoonaa ibere sheeroonon, gaawe qociyoonaa getoonon boonoshich immehine.

Shoddo 101:1

Doono Yeero, neech shoddemmo taane; ne shoodoonaa ne dayinnetoonoyich shoddemmo taane.

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 37:26

Biyoo bulli aaboon wojjiye; erettiinoo iye; bi bushiisheenaꞌoo diireeton tuneheete.

Shoddo 73:28

Tunebaani Yeer waan giddo taach gaawiye; ne shuunoo bullin miixoyich, ta Nuggishoo Doono Yeeri ne shoobooch giyeto taane.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Isiyaasi 56:1

Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 22:16

Girechonaa iriteetonochi nalloon nallii beehe; ebich biich gaawee beehe; ebi taan ariyoo toone?” iye Doono Yeeri.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Shoosho 3:26

Asho cikkiꞌi Doono Yeerichi wodiyoon, bi gibenegaata gaawiye.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 33:14

Ta, gonde ashoon ‘Iberoochaa qitemmo neene’ ta getigaata, biyoo bi axaaxoochee wotteꞌi, dayinnetoonaa cadiqe mooyonon bi tuniigaata,

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Leweenaꞌo 26:41

ebiyoo boonoshin ta shixxemmoyich tuniiti, wotta boonoshi etteenaꞌo showooch kecaa boonoshi hammemmoyich tuniiti boonoshi xuꞌoon aanniꞌi, getaa giyaani boonoshi mulloon kaachiꞌi, boonoshi xuꞌoyich bede sheeroon boonoshi deꞌigaata,

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Mikiyaasi 6:9

Ariyechi asho Doono Yeerin shattii beetone; Doono Yeeri Yerusaalemi asheenaꞌon ceeggiꞌi ishichiye: “Katemooch kiceeti iiteenaꞌote, waayebote!

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Maatiyoosi 5:3

“Ayaanoona girechinaꞌo diireetinaꞌone; shimaajji taatittine boonoshichine.

Maatiyoosi 5:7

Ariqqee beetinaꞌo diireetinaꞌone; Yeeri boonoshich ariqqemmone.

Luqaasi 10:42

Tunebaani qaaweeto ikke mooyo baachiye; Maariyamiyoo are gaaweti mooyon yechetine; biichoo bacheyaache” iye.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Luqaasi 12:14

Yesuusiyoo “Hini uroocho, ittoshi toommooch iristoon qoodechonaa nallechona ta tunemmoyich, konine taan ukkiriito?” iye.

Luqaasi 6:36

Illa ittoshi Nihoo Yeeri ariqqecho bi tunetoommon ittoshiyoo wotta ariqqechon tunebote” iye.

Roomi 7:16

Ta shunaani mooyon tuniyaabeeto ta tunegaata, sheeroo gaaweto bi tunoon miixaabeeto taane.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

1 Qorontoosi 7:16

Haane, ne keno ne naboona bi mulloon Kiristoosi toommooch tooꞌiiree bi wodemmo gaata, amoon ariinne? Haano, ne mechee ne naboona bi mulloon Kiristoosi toommooch tooꞌiiree bi wodemmo gaata, amoon ariinne?

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Yibbaatoo 27:10

Illa ebich ne Nuggishoo Doono Yeerichi getoon waayebe. Hanaach neech ta gettaabeeti bi getoonaa bi qociyoonon ceechi quyebe” iye.

Yibbaatoo 30:15

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Yaaqobi 2:20

Hini mullaalloocho! Mullee tooꞌiyoo shuunaalloon duubo bi tunoon ariyoon qaawaa beetine?

Yaasi 24:14

“Andoo Doono Yeerin shatote; ibere mulloona gibeneeton tuneree biich maddebote; ittoshi qaabbechinaꞌo Efiraaxisee beqach Mesopotaamee showooch boonoshi beehooba, wotta aroyee gubb Gibits boonoshi beehooba, boonoshi goyinnee maddeti nuggisheenaꞌon ittoshi waanee wokkiibote. Doono Yeeri ikkeetoyich baach goyinne maddebote.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.