Mikiyaasi 6:7 - Kafa Linguistics Project

⁷ Doono Yeeri hume bagee baaddoon woyee aashire hume woce aacoommi zayitoon ta giddiitaa ebina emirehe? Ta xuꞌoonaa ta axaaxoonoyich deejjoyich ta gutenee bushoon giddiibote?

Mikiyaasi 6:7 ပူးပေါင်းရင်းမြစ်များ

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Taateenaꞌo 3:27

Ebiyooba bi xaaꞌooch kereeree taatemmi bi gutenee bushoon daammii, katemee uxeree toommoochaa micciibeeti deejjoo tuniiꞌi deejjiye. Israꞌeeleenaꞌo toommoochoo ooge kaaro waahe. Aroochee qajjii wotteꞌi, boonoshi hajjee showooch hammiyeete.

Iyoobi 29:6

Arooba, ejjoona baatoon machaabeeto taane; zayitee hiicci xaaꞌoochee, aaco ufoommon zayito taach ufee beetone.

Shoddo 50:9

Ne maggoochee gubbenoon, ne dogoochee emmishee baaddeenaꞌon, deꞌon qaawaache.

Shoddo 51:16

Deejjoo neen emirikkaachani deejjesho taane; micciibeeti deejjoo neen emirikkaache.

Shoddo 51:18

Ne daaggoona Tsiyoonich gaawe mooyon tuniibe; Yerusaalemi xaqqee uxeroon wochinnoon uxerebe.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 40:16

Libanoosi shaaroo deejjoon gogoyich, bi daggooch beeti cooxinaꞌo micciibeeti deejjoyich, bedaacheete.

Erimiyaasi 19:5

boonoshich ta getaanoon, ta yibbaateyaanoon, ta mulloonoo ta gabaanoon, micciibeeti deejjoon tuniiꞌi Baꞌaaloyich boonoshi bushiisheenaꞌon michoyich, geppeexi goyinnee xaaꞌeenaꞌon boonoshi shuunetoyich,

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Hiziqeeli 23:37

Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone.

Hosee'i 5:6

Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone.

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Leweenaꞌo 18:21

“ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Leweenaꞌo 20:1

Doono Yeeri Muusich ishichiye:

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Filimooni 1:12

And biin ne waan daachiibeeto taane. Ta kashoona tachaꞌaaniye biin ta shunnaabeeto.

Woraaferasheenaꞌo 11:31

boonoshin kochaa wochaꞌa ta kexooch ta wottehooba, taanna daneya ta kexoochee maach kechimmoo koniyoona Doono Yeeri neech tunemmone; tawoo micciibeeti deejjoon tuniiree ebi aroon giddiyemmo taane” iye.

Woraaferasheenaꞌo 11:39

Gutte agenoyee gubb, bi nihoo waan wottaꞌa waahan. Biyoo bi mookketoommon tuniihe. Busheyoo anaamona tookkaa qeyaa ariyaaneene. Aroyee gubb, ebi mooyo Israꞌeelee showooch doyoo tuneꞌi,

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.