Mikiyaasi 6:5 - Kafa Linguistics Project

⁵ Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.

Mikiyaasi 6:5 ပူးပေါင်းရင်းမြစ်များ

Shoddo 111:4

Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

Shoddo 143:11

Doono Yeero, ne shigoyicha getiree ta kasheen quyebe; ne cadiqittinoona xuuxoochee taan kichibe.

Shoddo 36:10

Ne shoodo, neen arii beetinaꞌoyich, ne cadiqittinoo, mulli kaameenaꞌoyich kuxaaye.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Isiyaasi 1:27

Doono Yeeri dayinnetecho bi tunetoyich, Tsiyoonin biishemmone; gondoochee wotteti bi daggeexinaꞌonoo biishemmone.

Haddoo 22:41

Bi dechara Balaaqi Balaamin yechiꞌi, damba Baamoot Baꞌaal kechiye. Balaamiyoo aroochaa Israꞌeeleenaꞌoochee giishecheenaꞌon beeggiye.

Haddoo 23:27

Balaaqi Balaamin “Eke ne waataa wotta neen bare xaaꞌooch daambona. Diqqich aroochaa boonoshin taach ne uppemmoyich Yeeri daaggemmone” iye.

Haddoo 25:1

Israꞌeeleenaꞌo Shixiim beebee, Moꞌabee maacheenaꞌona tookkii shaddooch giyiyeete.

Haddoo 25:2

Ebi maacheenaꞌo boonoshi nuggisheenaꞌochi deejjooch asheenaꞌon ataalliyeete. Asheenaꞌoo deejjee maayoon maaheete; boonoshi nuggisheenaꞌoyichoo goyinneheete.

Haddoo 31:16

Feꞌoori guudoochaa tuneti mooyona Balaamichi ciicoon waayeꞌi Israꞌeeleenaꞌo Doono Yeerin boonoshi xuqqemmoyich naboon tunetinaꞌo eboshi tooneete? Ebina Doono Yeerichi asheenaꞌo toommooch naxo kindiye.

Haddoo 31:8

Ebi qititinaꞌo daggooch uuche Miidiyamee taateenaꞌo, eboshiyoo Eewi, Reqeemi, Tsuuri, Huurinaa Reebina beetinaꞌone. Beꞌoori bushoo Balaaminoo wuxiyeete.

Haddoo 33:49

Yoordaanoosi aachi gashooch, Moꞌabi gaddooch, Beet Yeshimootee tiijjiꞌi Abeel Shixiim beddaahaa beeti xaaꞌooch koteheete.

Efesooni 2:11

Ebich ittoshi shiichiꞌi ittoshi shiijjeroona Ayihudo tuneyaani Aagetee asheenaꞌote, ashi kishoona dokireetinaꞌo getteeti Ayihudeenaꞌo daggooch dokireyaaneenaꞌo getteetinaꞌote, ebin gabibote:

Yibbaatoo 16:3

Ebi meenon ne maa beegaata, shittoo gedaa kachiti koshona maayaahine. Beebee ne echeti Gibitsee afaafinoona ne keyiyooba ne tuniitoommon, shabaatte qemi wottoon shittoo giyaani koshon maayemmo neene. Ebiyoo xuuxee kosho getteyemmone. Ebin tuniyoo Gibitsee ne kecheti aaboon, kashoona ne beemmi yemeeno bullin neech shalligichemmone.

Yibbaatoo 23:6

Ebich ne beemmi yemeeno bullin diggoona boonoshi beeyemmoyich woyee mooyo boonoshich bi mashaamemmoyich tuniyaahine.

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

Yaasi 2:1

Aroochee Nuuni bushoo Yaasi “Hami, Kanaanee showoon aashoona qiidote. Bulliyee beshoon Yaarikin qiidote” iꞌi, Shixiimee gutte qiiddechinaꞌon wochee daachiihe. Boonoshiyoo hammii shaggiꞌi, Rahaabi getteebeeti yahechi ure kexooch qeya giyiyeete.

Yaasi 3:1

Bi dechara maaddoona Yaasinaa Israꞌeeleenaꞌo bullina Shixiimee tiyiꞌi Yoordaanoosi aacooch hammiyeete. Boonoshi kimoyee shiichii, kaamboon geddiꞌi koteheete.

Yaasi 4:19

Ikkinnee ageno giyiti aashirinnee qemooba, asheenaꞌo Yoordaanoosin kimmiꞌi, Yaarikaa aabi-keyo waani gocooch, Galigala boonoshi kaamboon geddii koteheete.

2 Pheexiroosi 2:15

Kaame gommon qajjiꞌi muriccitinaꞌone; Beꞌoorichi bushoo Balaamichi gommon dabbitinaꞌone. Biyoo gondoon shuunoona daneebeeti gijjoon qaatiye.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

Yaaꞌoo 2:14

“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.

Woraaferasheenaꞌo 11:25

Ne, Moꞌabee taatoo, Tsifoori bushoo Balaaqiyee beshenne? Bi Israꞌeeleenaꞌona kaaretone? Boonoshina koyetone?

Woraaferasheenaꞌo 5:11

Eke ellebote; aachi gashoochaa shoddeebeeti asheenaꞌo, Doono Yeerichi wudoon gettii beetinaꞌone, Israꞌeeleenaꞌochi wudoon gettii beetinaꞌone. “Aroochee Doono Yeerichi asheenaꞌo katemee kellooch dugilla yixiyeete.

1 Saameeli 12:7

Andoo Doono Yeeri ittoshinaa ittoshi qaabbechinaꞌonoyich bi tuniiti cadiqee shuunoyich Doono Yeeri aafoochaa ittoshin taggemmo ta tunetoyich, ebi ittoshi beetooch neexebote.