Mikiyaasi 5:8 - Kafa Linguistics Project

⁸ Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mikiyaasi 5:8 ပူးပေါင်းရင်းမြစ်များ

Halloo 49:9

Haano Yihudo, more daaheroommo neene; ta bushoocho, wuxaa maachaa wotteto neene. Daaheroochoommon quyehine; showoochoo tokketehine; maache daaherechoommonoo ciixehine. Neen shuurikkoyich aafoon kupphemmo konine?

Shoddo 104:20

Ne, manderoon hallihine; ebiyoo xumo tunehe; kubbi cooxinaꞌoo manderoona kechiyeete.

Shoddo 44:5

Neenna no etteenaꞌon kochaa wochiyone; ne shigoona no shixechinaꞌon kotehone.

Shoddo 50:22

“Ebich Yeerin batteebeeti ittoshi bulli ebin shalligibote; ebi tuno qayigaata, ittoshin aalliyemmo taane; ittoshin wodiyemmo aalloone.

Shaahiyoo 30:30

Eboshiyoo: Cooxinaꞌo daggoochee beshe kuppho tuneti konaakketi aafoochenolla gubb wotteyaani daaheroo,

Isiyaasi 5:29

Boonoshi qaaro daaheroochoommone; more daaheroochoommon ciddiyeete; boonoshi yechiton guruuxiibee daammiyeete; boonoshi kishoochee dihiyemmo aalloone.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Hosee'i 5:14

Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Zakaariyaasi 11:6

Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Zakaariyaasi 14:18

Gibitseenaꞌoo baaroon baaroyich womo boonoshi qayigaata, Doono Yeeri Bashee (Yambaaree) Baaroon baaroyich waataani aageteenaꞌo toommooch bi deebiti naxoommi naxoon boonoshi toommoochoo deebemmone.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Milikiyaasi 4:3

Ta shuunemmi aabooba gondeenaꞌo ittoshi baatee dechiich tulloon tunemminaꞌone. Ittoshiyoo boonoshin neexxemmo ittoshine” iye Beshe Mawe Doono Yeeri.

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Maatiyoosi 10:14

Ittoshin iibbiyaano woyee ittoshi qaaroon waayeyaano koniyoona bi beegaata, are kexon woyee are katemoon gawukkiree keyibee ittoshi baateexi quttoon tebbebote.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.