Mikiyaasi 5:7 - Kafa Linguistics Project

⁷ Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Mikiyaasi 5:7 ပူးပေါင်းရင်းမြစ်များ

2 Saameeli 17:12

Daawiti beemmi xaaꞌoo aabiichona shagiree, biin kochemmo noone. Doshoo (caagibano) showooch kindoommon, bi toommooch kindemmo noone. Biyoo tuneba biinna tookkii beeti asheenaꞌo, boonoshi daggoochee ikkolla echeyaachemmone.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 133:3

Hermooni guudi toommooch kindiibeeti doshoo (caagibano), Tsiyooni guudi toommooch kindoommone. Ebiyoo Doono Yeeri bi diiroon, kashoonoo bulli yemeenoon arooch bi tuniitoyichiye.

Shoddo 72:6

Taatoo, mocoo gacceeti gaddooch dihiibeeti amiyoommon, showoon shuxiibeeti amichi kuchoommon, tunebe.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 55:10

Amiyonaa baderoona shimaayoochee dihiꞌi, showoon shuxiyoona maayo aafemmoyich bi tuniyoommon, wotta shookkechoyich yaroon, maa beetoyich maayoon imaanoon, shimaayooch wotteyaano bi tunoommon,

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Hiziqeeli 14:22

Tunebaani anaami bushiisheenaꞌonaa maache bushiisheenaꞌonon yaabi deebemminaꞌo murici echemminaꞌone; ittoshi waanoo woyemminaꞌone; ittoshiyoo boonoshi gommonaa boonoshi shuunoonon beeggemmo ittoshine. Yerusaalemi toommooch ta deebeti gonde mooyo bullich goggemmo ittoshine.

Hiziqeeli 47:1

Are uro, yaafee kechi kello waan taan wochii deebiye; aacoo yaafee kechi kelloochee aabi-keyo waan woccii beehe; ebiyoo yaafee kexo aabi-keyo waan wotteto bi tunetoyichiye; ebi aacoo deshi-waan beeti yaafee kechi kellee shagee dechiichee kechiꞌi, deejjee gudoyee deshi-waanina woccii beehe.

Hiziqeeli 5:5

Nuggishoo Doono Yeeri ishichiye: “Ebi Yerusaalemine; showeenaꞌon bi guudoona tuniyaa, aageteenaꞌo daggooch biin kotiito taane.

Daaneeli 11:32

Biyoo Yeerich goyinnoon qajjiti asheenaꞌon maroona bi waan tuniyemmone; tunebaani boonoshi Nuggishoon ariibeeti asheenaꞌo manji neexeree, biinna koyemminaꞌone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Zakaariyaasi 14:8

Ebiyooba kashee aaco Yerusaalemee xuupphemmone. Qato aabi-keyo waanee baharooch, qato wotta aabi-gimo waanee baharooch woccemmone. Ebiyoo qaawoonaa yooyonooch kuxeyaachemmone.

Zakaariyaasi 9:13

Yihudee asheenaꞌon maꞌoommon, Efreemee asheenaꞌonoo shangoommon, tuniyemmo taane. Giriikee asheenaꞌon koyoyich, Tsiyoonee asheenaꞌon goraadoommon tuniiree daachiyemmo taane” iye.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Mishiraachechinaꞌo 11:15

“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 16:9

Aroobee xum ikke Makidoonee showeexi asho neexeꞌi, “Baharoyee hach kimiree noon gaachebe” iibee bi qolloon Phawuloosi yaaꞌoona beeggiye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 10:20

Keemechi Isiyaasi aafoon kuppheꞌi, “Yeeri ‘Taan qaawaaneenaꞌoyich danehoye; taachon echeyaaneenaꞌoyich bekkehoye’ itone” iye.

Roomi 11:12

Israꞌeeleenaꞌochi xuꞌo alemoyich wojjoon, boonoshi dihoo Aageteenaꞌoyich wojjoon daniyemmo bi tunegaata, wotta Israꞌeeleenaꞌo bulli Yeer waan boonoshi wotto am shaahoon ebiyee beshe wojjoon tunehe?

Roomi 9:30

Illa ama gettehone? Cadiqoon dabbaani Aageteenaꞌo cadiqiyeete; boonoshi cadiqitoo Yeeri toommooch mulloon tooꞌiyoonane.

1 Qorontoosi 3:6

Yaroon ta shookketaa, aacon Aphiloosi kittii bi uchitaa, shookketi yaroon colliiꞌi kaama eenniito Yeerine.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Woraaferasheenaꞌo 6:36

Aroochee Geediyooni Yeerich ishichiye: “Israꞌeeleenaꞌon ta kishoona wodiyemmo ne tunoon getteto neene.