Mikiyaasi 5:2 - Kafa Linguistics Project

² Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 5:2 ပူးပေါင်းရင်းမြစ်များ

Halloo 35:16

Boonoshiyoo Beeteelee tiyii qaxiriyeete. Efiraata shagg boonoshi beddimmona, Raaheelin maaxoo maahe; maaxoonoo xuuxahan.

Halloo 35:19

Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone.

Halloo 48:7

Mesopotaamee wottee Efiraata shagg ta beddaahaa, ne indee Raaheeli Kanaanee showoochaa bi qitaa, oogeton ayinaa muushenoye. Efiraata daammiibeeti gommi gashooch duukkoye” iye. Efiraati and Beetilehemi getteebeeti katemoone.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

1 Kiinoo 2:54

Beetilehemin shuuneti Salimaahi Nexoofeenaꞌochi, Axiroot Beet Yoꞌaabeenaꞌochi, qati Menahayitee asheenaꞌonaa Tsoriꞌeenaꞌonochi qaabbechi nihoone.

1 Kiinoo 5:2

Yihudi bi maneenaꞌo daggoochee kuppho, bi yaroo, iraasheenaꞌo kechiibeeti yaroo bi tunetaanoona gutenee bushittinee aalloo (gooroo) Yooseefichone.

Shoddo 132:6

Efiraata beechaa wogee taabootoochon waayehone; Qiriyaat Yeꞌariimee danehone.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 18:25

Israꞌeeleenaꞌo daggoochee ariyechi asheenaꞌon kaacciꞌi, asheenaꞌo toommooch ukkiriihe; boonoshinoo humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiꞌi ukkiriihe.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 2:1

Heroodisi Yihudee showooch taateꞌi bi beetaa, are showooch beeti Beetilehemi katemooch Yesuusi shiijjehe. Arooba xojjenee hiddechinaꞌo aabi-keyoochee Yerusaalem waaꞌi,

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Luqaasi 23:38

Wotta “Hini Ayihudeenaꞌochi Taatoone” ii beeto kooraa biyee tookk xogeetone.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Yibbaatoo 1:15

“Ebina tawoo yiiteenaꞌonaa arichetinaꞌona tuneti, ittoshi yoodi yoodee iraasheenaꞌon daammaa, humee iraasheenaꞌon, ballee iraasheenaꞌon, aachee iraasheenaꞌonaa aashire iraasheenaꞌonon tunii ukkiriihoye; wotta bare iraasheenaꞌon ittoshi yoodi yoodo bulliich ukkiriihoye.

Qolaasiyaasi 1:17

Biyoo bulliyee shiichiꞌi beetone; bulli mooyoo gaweto biinnane.

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

Hibireena'o 7:14

No Doono Yesuusi Yihudi yoodoochee bi shiijjo arichetone; tunebaani Muusi qeeshoo tuneechon ebi yoodoochee bi gettiti mooyo aalloone.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Woraaferasheenaꞌo 17:7

Yihudee showooch, Yihudee yoodee asheenaꞌona tookkii Beetilehemi katemooch koteti ikke gurimaashe Lewee asho beehe.

Ruuti 1:1

Wonna, Israꞌeelee showooch taatoo taatoyee shiichiꞌi, woraaferashoo qeejjiibeeti yemeenooba, ebi showooch shaacoo giyiye. Ebich Efiraati yaroo tuneti ikke uro bi mecheenaa bi bushiishoonon yechiꞌi, Yihudee showeexi Beetilehemi katemoochee tiyii, giisheche yemeenoon koteya Moꞌabee showooch hammiye. Uroochi shigo Elimeleeki, bi mechee shigo Naꞌoomi, bi gutte bushiisheenaꞌochi shigo wotta Mahilooninaa Kiliyoonina getteehe. Boonoshiyoo hammiꞌi Moꞌabee showooch koteheete.

Ruuti 4:11

Ebi iitee xaaꞌooch koteti geeneenaꞌonaa bare asheenaꞌo bullina ishichiyeete: “Eeha, miixoo noone. Doono Yeeri ne woraashiti ureen no qaabbechi Yaaqobich meeti bushiishoon shiyeti Raaheelinaa Liyinoommon tuniibe. Doono Yeeri Efiraati yaroochee neen gaanniibe. Beetilehemi katemooch ne shigo aricheto tunebe.

1 Saameeli 10:19

Ittoshin duꞌoonaa xuuxo bullinoochee wodiyaabeeti, ittoshi Nuggishoo taane. Tunebaani and ittoshi taan qajjiichii, taatoon ittoshich ta taatiyemmoyich echehote. Illa and ittoshi yoodi yoodoona, ittoshi yari yaroonoo tuneree, Doono Yeeri ta aafooch giddebote’ itone” iye.

1 Saameeli 17:12

Daawitiyoo Yihudee showooch, Beetilehem beeti Efiraatee asho Iseyi bushoone. Iseyich shimitte anaami bushiishoo beetone. Biyoo Saaꞌoolichi taatittinee yemeenooba geenee baayetone.

1 Saameeli 17:18

Ebi aashire kaafee mookoonoo boonoshi beeti hume ginee iraashoyich daami imbe; ne maneenaꞌochi achee diggoon eche waayeree, boonoshi diggittinoon bekkiibeeti malletoon taach yeshi wobe” iye.

1 Saameeli 23:23

Bi aasheebeeti xaaꞌeenaꞌo bullin xiishii ittoshi beeggitoyee gubb, xiisheeti mooyon yeshiree ta waan wobote; tawoo ittoshina tookki hammemmo taane. Are showooch baach beebani, Yihudee yareenaꞌon boonoshi ikkikkoona bosheree boonoshi daggoochee biin danemmo taane” iye.

1 Saameeli 8:12

boonoshin hume ginee iraasheenaꞌonaa aache ginee iraasheenaꞌonon tuniyemmone; bi goyoon gochechinaꞌonaa bi maayoon qeccechinaꞌonon tuniyemmone; wotta ginee qiicoonaa gaarichi qiicoonon shuunechinaꞌon tuniyemmone.