Mikiyaasi 5:1 - Kafa Linguistics Project

¹ Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Mikiyaasi 5:1 ပူးပေါင်းရင်းမြစ်များ

Halloo 35:19

Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

1 Taateenaꞌo 22:24

Aroochee Kenanaahi bushoo Sedeqiyaasi Mikiyaas waan giddeꞌi, bi gaakkooch tappeechii, “Doono Yeerichi Ayaano neen bi yibbaatiito, ta waanee aabina besheꞌiniye?” iye.

2 Taateenaꞌo 24:2

Doono Yeeri Baabloonee ginee naayinaꞌon, Sooriyee ginee naayinaꞌon, Moꞌabee ginee naayinaꞌonaa Amoonee ginee naayinaꞌonon Yoyaqiiminaa Yihudee asheenaꞌonon boonoshi aalliyemmoyich daachiihe. Bi daachiito, bi guuninaꞌo tuneti keemechinaꞌona Yihudee showoon aalliyeechon bi gettiti keemo ceennemmoyichiye.

Iyoobi 16:10

Asheenaꞌo taan cooneheete; cooqqiriibee ta gaakkooch tappeheete; ikkooch kiceeꞌi taan giichiyeete.

Shaahiyoo 8:23

Batti batti showoo halleyoyee shiichaꞌa, wonnee wonna halleehoye.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 8:9

Aageteenaꞌote, koyooch kiceebote; tunebaani tiishemmo ittoshine. Wohi showooch beetinaꞌote, bulla ellebote; ginee koyoyich qannibote; tunebaani keqqibote. Eeha, ginee koyoyich qannibote; tunebaani keqqibote.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Shoosho 3:30

Bi gaakkoonoo tappemmoyich bekkiibe; naaggoonoo miye.

Hiziqeeli 21:32

Qaaqqoyich mixon tunemmo neene; ne damoo ne showoochaa ufemmone; wochinnoon shalligeyaachemmo neene; Doono Yeeri ta ebin getteto taane’ itone gete” iye.

Hiziqeeli 24:2

“Ashi bushoocho, hanaachi aabo Baabloonee taatoo Yerusaalemin bi giichiti aabo bi tunetoyich, hanaachi aaboon koberooch kooribe.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Yoꞌeeli 3:9

“Aageteenaꞌo daggoochaa ishichi awaajjibote: ‘Koyoyich qannibote! Ginee anaaminaꞌonoo ceegote! Ginee naayinaꞌo bulli kiceeree, koyoyich qannibeete.

Amootsi 2:3

Boonoshin qeejjii beetonaa iraasheenaꞌo bullinon wuxi ciichemmo taane” iye Doono Yeeri.

Imbaaqoomi 1:6

Boonoshi hajjoo tuneyaani showoon koyi yecha showee toommo bulliich oriheebeeti, maacmanjeenaꞌonaa afaafinechinaꞌona tuneti Baablooneenaꞌon tiijjemmo taane.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Maatiyoosi 26:67

Arooba bi aafooch cuddiyeete; biinoo tukeheete; bareenaꞌo wotta tappeebee,

Maatiyoosi 27:30

gumboon bi kishoochee deqqiꞌi aroona bi qelloon wochii wochii xoobbiyeete.

Maatiyoosi 5:39

Tunebaani and ta waanee waayebote! Ittoshi toommooch gondoon shuuneebeeto toommooch nichoon kichiyaahote. Tunebaani ne qanne gaakkoon tappemmoyich yoochoon bajjaahine.

Yowannisi 18:22

Yesuusi bi ishichimmona, arooch neexeebeeti yaafee kechi kellechinaꞌo daggoochee ikkoo “Qeeshee guudoyich ishichaꞌa wochinne?” iꞌi Yesuusin tappehe.

Yowannisi 19:3

Aroochee bi waan giddeebee, “Ayihudeenaꞌo taatoocho, ne taatittino manjibe!” ii cooqqiree diggiyoon diggiiheete; biinoo tappeheete.

Mishiraachechinaꞌo 23:2

Qeeshee guudo Hanaani Phawuloosi gaꞌooch neexetinaꞌon “Bi noonoon tappebote” iꞌi gettiye.

2 Qorontoosi 11:20

Ebiyoommon koniyoona ittoshin guunon bi tuniitaa, ittoshin bi bogaa, ittoshi waanee gaacoon danoyich ittoshin bi olletaa, ittoshin bi qallayaa, ittoshi gaakkooch bi tappetaa, cikkii qajjiibeeto ittoshine.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.

Yibbaatoo 33:27

Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

Woraaferasheenaꞌo 17:7

Yihudee showooch, Yihudee yoodee asheenaꞌona tookkii Beetilehemi katemooch koteti ikke gurimaashe Lewee asho beehe.