Mikiyaasi 4:8 - Kafa Linguistics Project

⁸ Qiddoo dilaaloochaa bi bagoon quyoommon Yeeri bi asheenaꞌon quyeebeeti Yerusaaleme! Wonnee ne oogo neech wottemmone; wochinnoon inde katemoon tunemmi neene.

Mikiyaasi 4:8 ပူးပေါင်းရင်းမြစ်များ

Halloo 35:21

Israꞌeeliyoo aroochee tiyii qaxiriye. Bi duukkaanoon Edeeri dilaaloyee beqach xogiye.

2 Saameeli 5:7

Tunebaani Daawiti kochiꞌi, Tsiyooni mishigoon yechiye. Ebiyoo Daawiti Katemoo getaa ceekkehe.

Nehimi 3:25

Uzayi bushoo Falaali, uxeree danee ciinooch beetonaa kellee quyechinaꞌochi addibaabee daggooch beeti, dambee taatee kexona yeshe xaqqee dilaaloonoochee tiijjiꞌi uxerehe. Biyee aafaa Farooshi bushoo Fedayi uxerehe.

Shoddo 24:7

Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.

Shoddo 48:3

Yeeri are katemee mishigooch beetone; biyoo are katemeech deebo bi tunoon bekkiitone.

Shoddo 61:3

Ne taach deebo neene; ta etto waanee deebaa woddiyaabeeti, manje xaqqee dilaaloo neene.

Solomooni 4:4

Ne qettimixo ginee qiicoon kaꞌoyich shuuneeti Daawitichi dilaaloommone; hume gaachoo, ginee anaaminaꞌochi ginee qiico bulli, arooch kaqqetone.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Isiyaasi 10:32

Hanaach, etto bi beeto Noobi katemoochiye; aroochaa Tsiyooni maache busheechi geppee toommooch, Yerusaalemi katemee toommooch miichoona bi kishoon shuurikkii beetone.

Isiyaasi 5:2

Showoon gochiye; xaqqoonoo macii kichiye; gaaweti woyinee qomboon arooch bechiye; bi gutte daggooch dilaaloon shuunehe; woyinee aafo hiichemmi oppoon iijjiye; aroochee gaawe aafoon aafemmone ii quyehe; tunebaani kiikkeroon aafehe.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:18

Boonoshiyee gubb Beshoo Yeerichi yaafeenaꞌo ebi taatittinoon deqqemminaꞌone; ebi taatittinoon bulli yemeenoochee bulli yemeenooch beddaahaa yechemminaꞌone” iye.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Zakaariyaasi 9:12

Gibenoona beeti hini qoppeenaꞌote! Ittoshi mishigooch wottebote! Gutte kishoo tuniiree ittoshin diiremmo ta tunoon ta and ittoshich gettoye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Haddoo 24:19

Yaaqobichi shiijjeroochee neexi hajjemmo woyemmone; katemoochee muriccii echetinaꞌon aalliyemmone” iye.

Maatiyoosi 21:33

Wotta Yesuusi ishichiye: “Bare shaahiyoon waayebote: Bi showooch woyinoon bechiti ikke uro beehe. Bi guudoon xaqqoona uxerehe; wotta woyinee hiicci oppoon iijjiye; dilaaloon shuunehe. Aree hillooch uchi shiimemmi quyechinaꞌoyich quyiichii, bare showooch hammiye.

Maariqoosi 12:1

Daakkiꞌi Yesuusi shaahiyoona ishichiꞌi getooch giyiye: “Ikke uro woyinee aafoon aafeebeeti meeti woyinoon bechiye; bi guudoon xaqqoona uxerehe; woyinee hiicci oppoon iijjiye; dilaaloon shuunehe. Aroochee shiimemmi quyechinaꞌoyich quyiichii bare showooch hammiye.

Efesooni 1:21

Kiristoosin arooch bi kotiito, taatittino bulliyee, iraashittino bulliyee, giidoo bulliyee, doonjittino bulliyee, wotta and hini showoochaa baach tuneyaanoon, gubb woyemmi showoochaa ceekkeebeeti shigo bulliyee besho tuniiꞌiniye.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.