Mikiyaasi 4:4 - Kafa Linguistics Project

⁴ Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Mikiyaasi 4:4 ပူးပေါင်းရင်းမြစ်များ

1 Taateenaꞌo 4:25

Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

1 Taateenaꞌo 5:5

Ebiyoche, Doono Yeeri ta nihoo Daawitich ‘Ne keroon, ne taatee qeenooch ta kotiyemmi ne bushoo ta shigoyich kexon haggemmone’ iꞌi bi gettitoommon, ta Nuggishoo Doono Yeerich kexon hagoyich gabito taane.

Iyoobi 11:19

Konichona shataanoon tokkete kashemmo neene; meeti asheenaꞌo qollooch ne waan woyemminaꞌone.

Shoddo 72:3

Guudinaꞌo gaannoon, geppeenaꞌo cadiqee aafoon ne asheenaꞌoyich daniibeete.

Shaahiyoo 3:25

Diqqoona waabeeti naxoyich, woyee gondeenaꞌo toommooch shaggiibeeti aalloyich shattaahine.

Isiyaasi 1:20

tunebaani qajje iꞌi ittoshi hukkegaata goraado ittoshin maayemmone. Ebin Doono Yeeri ta, ta noonoona getteto taane” iye.

Isiyaasi 17:2

Aroꞌeeri katemeenaꞌo bulli yemeenooch shokko echemminaꞌone; bago quyeebeeti gaddoon tunemminaꞌone; bago, koniyoona biin keqqichaanoon arooch miqqe kashemmone.

Isiyaasi 22:25

Beshe Mawe Doono Yeeri ishichiye: “Arooba gibeneeti xaaꞌooch xogeeti xuuree kaꞌo waaxeree hollemmone; arooch kaqqeti qiico bulli holli kawucemmone” iye; ebin gettito Doono Yeerine.

Isiyaasi 26:16

Doono Yeero, ne asheenaꞌo boonoshi xuuxehooba neen qaawiyeete; boonoshin ne sheeriyooboo shaashikkoona ne waan corootiyeete.

Isiyaasi 32:17

Ebi cadiqee aafo diggoon deebemmone; tooqqii kashoonaa gibenoona bulli yemeenoon showee toommooch tunemmone.

Isiyaasi 36:16

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

Isiyaasi 40:5

Doono Yeerichi oogo bekkemmone; ebin gettito Doono Yeeri bi tunetoyich, asho bulli ikkotteree ebin beeggemmone” iye.

Isiyaasi 54:14

Cadiqittinoona hecceyemmi neene; neexxii hajjoo ne waanee wokkemmone; ebich shataachemmi neene; keqqoo ne waan katinaachemmone.

Isiyaasi 58:14

Doono Yeeri taanna emiremmo ittoshine; showee toommeexi qaalle xaaꞌooch ittoshi beeyemmoyich tuniyemmo taane; ittoshi qaabbechi Yaaqobichi iristoochee daneebeeti mooyona ittoshi michemmoyich tuniyemmo taane; ebin getteto Doono Yeeri taane” iye.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Zakaariyaasi 3:10

Beshe Mawe Doono Yeeri ishichiye: “Ebiyooba ittoshi asho bi ikkikkoona bi woyinoonaa bi balaasoonochi baatooch tuneechi bi giyoon ataallemmone” iye.