Mikiyaasi 4:3 - Kafa Linguistics Project

³ Biyoo meeti aageteenaꞌo daggooch nalliree, katinoonaa wohonooch beeti, giidechi taatee showeenaꞌo daggooch beeti kaaroon, aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Mikiyaasi 4:3 ပူးပေါင်းရင်းမြစ်များ

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Shoddo 72:3

Guudinaꞌo gaannoon, geppeenaꞌo cadiqee aafoon ne asheenaꞌoyich daniibeete.

Shoddo 72:7

Bi yemeenooch cadiqittino gamine; agenee bi kotoochee aallemmi wottoon diggoo woddebe.

Shoddo 82:8

Yeero, tibe! Aagetoo bulli neecho bi tunetoyich, showee toommooch nallibe.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Isiyaasi 25:3

Ebich giidechi asheenaꞌo neen oogiyemminaꞌone; maacmanje aageteenaꞌochi katemeenaꞌo neech shattemminaꞌone.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 60:12

Neech maddeyaani aageteenaꞌonaa taatee showeenaꞌona aallemminaꞌone; ciroona hidaa aallemminaꞌone.

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Yoꞌeeli 3:2

Aageteenaꞌo bullin kiciree, Yoshafaaxi bambooch daammemmo taane. Ta asheenaꞌo tuneti Israꞌeeleenaꞌon, aageteenaꞌo daggooch boonoshi shaccitoyich, ta showoon boonoshi qoodeetoyich, boonoshi toommooch nallemmo taane.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Zakaariyaasi 14:3

Aroochee Doono Yeeri ginooba bi koyoommon ebi aageteenaꞌon keyi kochemmone.

Zakaariyaasi 8:20

Beshe Mawe Doono Yeeri ishichiye: “Meeti katemoochee dofee asheenaꞌo woyemminaꞌone.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

1 Saameeli 2:10

Doono Yeerin shixxii beetinaꞌo buricemminaꞌone; biyoo shimaayoochaa boonoshi toommooch gigemmone; Doono Yeeri showee toommo bulliich nallemmone. Bi taatiiti taatoyich giidoon immemmone; bi huuttiti taatoon giidechon tuniyemmone” iyan.