Mikiyaasi 3:7 - Kafa Linguistics Project

⁷ Doono Yeeri boonoshich mooyon gaxxaachemmo bi tunetoyich, yaaꞌechinaꞌo giishemminaꞌone; keemoon keemmechinaꞌoo yeellemminaꞌone. Boonoshi bulliyoo boonoshi noonoon uppemminaꞌone.

Mikiyaasi 3:7 ပူးပေါင်းရင်းမြစ်များ

Shoddo 74:9

Worganikkiti malletoon beego echetone; echeti keemecho aalloone; ebi aati wottoon tune bi beeyemmo gaata, ariibeeto no daggooch aalloone.

Keyo 9:11

Gibitsee kaayechinaꞌo Muusi aafooch neexoon hakkaaneenaꞌone; ebiyoo boonoshinaa Gibitsee asho bullinochi toommooch gaaboo kechitoyichiye.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Hiziqeeli 24:17

Ne qaaroon waayiyaanoon yiineballi qititoyich eeppaahine; ne qelli caacoon caace; ne caammoon gede; ne noonoon oppeyaahine; aakkee maayoonoo maayaahine” iye.

Hiziqeeli 24:22

Ebiyooba ittoshiyoo ta tuniitoommon tuniyemmo ittoshine; ittoshi noonoon oppeyaachemmo ittoshine; aakkee maayoon maataachemmo ittoshine.

Leweenaꞌo 13:45

“Qeddee shaddee biiyechi asho keexe qoreddoon tahebe. Bi qelloonoo kaaccaaye. Bi noonoon opperee, ‘Eeꞌo taane; eeꞌo taane’ getibee cookibe.

Amootsi 8:11

Nuggishoo Doono Yeeri ishichitone: “Showee toommooch shaacoon ta deebemmi aabo waa beetone. Ebiyoo Doono Yeeri ta qaaroon muccee shaacoani maayoon woyee aacon mucco toonoone.

Mikiyaasi 3:4

Ittoshiyoo Doono Yeer waan ittoshi cookemmi yemeeno woyemmone. Tunebaani bi ittoshi cookoon waayeyaachemmone; gonde shuunoon ittoshi shuunetoyich, bi ittoshi waanee bi aafoon bara wochemmone” iyoye.

Mikiyaasi 7:16

Aagetee asheenaꞌo giidechinaꞌo boonoshi tunetaanoona ebin beegiree yeellemminaꞌone. Boonoshi noonoon uppemminaꞌone; boonoshi waamonoo oppemminaꞌone.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

1 Saameeli 14:37

Saaꞌooliyoo “Filsixeemeenaꞌon dabbi hambota? Boonoshin no kishooch beshiiree immenne?” iꞌi Yeerin echehe. Tunebaani Yeeri arooba biich wochaanoone.

1 Saameeli 28:15

Saameeliyoo Saaꞌoolin “Amoyichiye taan kashiyaache ne iyaabeeto? Amoyichiye ta woyemmoyich ne tuniito?” iye. Saaꞌooliyoo “Oogeton xuuxeto taane. Filsixeemeenaꞌo taanna koyee beetinaꞌone. Yeeriyoo ta waanee wokkitone. Keemechinaꞌona, woyee gumona, taach wochemmon qajjitone. Neen ta ceeggeto, amoon ta hallemmo gaata taach ne gettemmoyichiye” iye.

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.

1 Saameeli 9:9

Saaꞌooliyoo bi aafee bushoyich “Ebi gaawe gaboone. Ne waataa hambone” iye. Ebina Yeer asho beeti katemooch hammiyeete. Are katemooch shagoyich geppoon kechiibee, aacon kitta kechiibeeti maache bushiisheenaꞌona daneheete. Boonoshiyoo “Yaaꞌecho hini katemooch beete?” iꞌi echeheete. Wonna Israꞌeeleenaꞌo waanaa ikke asho Yeer waanee eche waayeya bi hamigaata, “Ittoshi waataa yaaꞌecho waan hambone” ii beetone. Ebiyoo keemecho, arooba yaaꞌecho bi gettee beetoyichiye.