Mikiyaasi 3:5 - Kafa Linguistics Project

⁵ Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Mikiyaasi 3:5 ပူးပေါင်းရင်းမြစ်များ

Shaahiyoo 28:21

Ashi aafoon ciinniꞌi heppoo, tato toonoone; tunebaani ikkikke asho ikke tiishee koshoyicha iꞌi, gondoon shuunee beetone.

Isiyaasi 3:12

Ta asheenaꞌon, bushiisheenaꞌo neexxii hajjiyeete; maacheenaꞌoo boonoshi toommooch ukkireheete. Ta asheenaꞌote, ittoshi ukkireenaꞌo ittoshin muriciitinaꞌone; gommoochee ittoshin badd wochitinaꞌone.

Erimiyaasi 23:27

Boonoshi qaabbechinaꞌo Baꞌaaloyich goyinnoona ta shigoon battetoommon, boonoshiyoo ikkoo baroyich maacciibeeti gumona ta asheenaꞌo ta shigoon battemminaꞌo boonoshich shaahii beetone.

Erimiyaasi 23:32

“Koote gumon gummii maacciibee keemmiibeeti, aafee kupphoona kootoon keemmiibee ta asheenaꞌon muricooch yaabiibeeti keemechinaꞌo toommooch tiyeto taane” iye Doono Yeeri. “Boonoshin wocheyaano taane; boonoshin ukkiriyaano taane; ebi asheenaꞌoyich boonoshi gaaccemmo amolla aalloone” iye Doono Yeeri.

Erimiyaasi 6:14

Ta asheenaꞌochi mayon kettii ciiniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 6:4

Boonoshiyoo, “Yerusaalemin koyoyich qannibote; tibote; aabee qellayooch koyone. Ye, showoo xumetoche; womikkee yiiritto wottetone.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Hosee'i 4:5

Qeesheenaꞌote, ittoshi, areddee aaboona daafeebeeto ittoshine; keemechinaꞌoo ittoshina tookkii xumoona daafee beetinaꞌone. Ebich ittoshi indee tuneti Israꞌeelee showoon aalliyemmo taane.

Yoꞌeeli 3:9

“Aageteenaꞌo daggoochaa ishichi awaajjibote: ‘Koyoyich qannibote! Ginee anaaminaꞌonoo ceegote! Ginee naayinaꞌo bulli kiceeree, koyoyich qannibeete.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.