Mikiyaasi 3:4 - Kafa Linguistics Project

⁴ Ittoshiyoo Doono Yeer waan ittoshi cookemmi yemeeno woyemmone. Tunebaani bi ittoshi cookoon waayeyaachemmone; gonde shuunoon ittoshi shuunetoyich, bi ittoshi waanee bi aafoon bara wochemmone” iyoye.

Mikiyaasi 3:4 ပူးပေါင်းရင်းမြစ်များ

Iyoobi 27:9

Duꞌo biin yeshiyooba, Yeeri bi qolloon waayehe?

Iyoobi 35:13

Iberoochaa, Yeeri gaacaalli boonoshi cookoon waayeyaache; Beshe Hakkechi Yeeri ebin ciinaache.

Shoddo 18:41

Boonoshin gaachemmon qaawiꞌi cookiyeete; tunebaani boonoshin wodiito aalloone; Doono Yeer waan cookiyeete; tunebaani bi, boonoshi cookoon waayeyaanoone.

Shaahiyoo 1:28

“Ebiyooba taan ceeggemminaꞌone; tunebaani ta, wochaachemmi taane; kupphiiree taan qaawemminaꞌone; tunebaani taan daneyaachemminaꞌone.

Shaahiyoo 28:9

Sheeroon waayoochee bi waamon badd wochiibeeto bi corooto ciigeetone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Erimiyaasi 11:11

Ebich Doono Yeeri ta ishichiyoye: ‘Ebiyoche muricon boonoshi hakkaani gonde mooyon boonoshi toommooch deebemmo taane; ta waan cookemminaꞌone; tunebaani ta waayeyaachemmo taane.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 33:5

Baablooneenaꞌona boonoshi koye beetee, ta kaaroona naxeree ta wuxemmi asheenaꞌochi dubenoona ebi kexinaꞌo ceennemminaꞌone. Asheenaꞌochi axaaxee naboona ta aafoon hini katemoochee wochito taane.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Mikiyaasi 3:7

Doono Yeeri boonoshich mooyon gaxxaachemmo bi tunetoyich, yaaꞌechinaꞌo giishemminaꞌone; keemoon keemmechinaꞌoo yeellemminaꞌone. Boonoshi bulliyoo boonoshi noonoon uppemminaꞌone.

Mikiyaasi 7:13

Tunebaani arooch beeti asheenaꞌochi gonde shuunoochee tiyitona showoo ashaalli xafo tunemmone.

Zakaariyaasi 7:13

“Ta getaa waayoon boonoshi qajjitoyich, tawoo, taan boonoshi ceeggiyooba waayoon qajjehoye.

Maatiyoosi 7:22

Nallaa gallooba meetinaꞌo taan ‘Ta Doonocho, ta Doonocho! Ne shigoona keemoon keemaano noone? Ne shigoona yinnoon ashi toommoochee yoohaano noone? Ne shigoona wodde gaakkechi mooyon shuuneyaano noone?’ gettemminaꞌone.

Luqaasi 13:25

Kechi doono kotoochee tiyii kelloon bi tuggemmona, ittoshi maaxooch neexeechi, ‘Doonocho, nooch qechibe’ getiree kelloon qoppemmo ittoshine. “Biyoo ittoshich wochiree, ‘Koni ittoshi gaata, amoochee ittoshi waato gaatoo, ariyaano taane’ gettemmone.

Yowannisi 9:31

Yeerin shattii beetochi, bi daaggoonoo tunii beetochi qolloon Yeeri waayehalli, axaaxoon shuuneebeeti asheenaꞌochi qolloon bi waayee qayon ariibeeto noone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

1 Saameeli 8:18

Arooba ittoshich ittoshi kaacciti taatoochi naboona cookemmo ittoshine. Tunebaani arooba Doono Yeeri ittoshi cookoon waayeyaachemmone” iye.