Mikiyaasi 3:2 - Kafa Linguistics Project

² Ittoshiyoo deꞌoon shixxiichii gondoon shunniyote; ta asheenaꞌochi gooqqoon gaxxiyote; boonoshi meenon shaawushoochee maaccii kichiyote.

Mikiyaasi 3:2 ပူးပေါင်းရင်းမြစ်များ

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 53:4

Koshon mamoommon ta asheenaꞌon maabeeti, Yeeri ta waan corootii ariyaani, gondoon shuuneebeeti ebi asheenaꞌoyich, halla shalligoo aalloone?

Shaahiyoo 28:4

Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Isiyaasi 3:15

Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 57:12

Cadiqe ne shuunoo gettee beeton gaxxi bekkiyemmo taane; tunebaani neech gaacaachemminaꞌone.

Hiziqeeli 11:7

“Ebich Nuggishoo Doono Yeeri ishichiye: Qondooch beeti meeno, hini katemee daggoochaa ittoshi wuxiti asheenaꞌochi dubenoone; hini katemoo qondoone; tunebaani bi daggoochee ittoshin yoohi kichemmo taane.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 24:4

meechi tumoon, gaawi gaawe tumo bullin, galloonaa wochoonon, arooch gede; gaawe shaawushechi meenonoo arooch ceechibe.

Hiziqeeli 34:3

Awuyon maahote; huushoochee shuuneeti tahoon tahehote; awujjitonoo guuriyote; tunebaani bageenaꞌon shiimeyaachote.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Mikiyaasi 2:8

Doono Yeeri boonoshich ishichiye: “Ta asheenaꞌo toommooch etto tuneꞌi tiyito ittoshine. Ginoochee wotteꞌi, keqqaalloon boonoshi kexooch hammiibeeti asheenaꞌochi tahoon boonoshi toommoochee shoottito ittoshine.

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Mikiyaasi 7:3

Boonoshi kishoo gonde mooyon tuniyoon doyitone; ukkireenaꞌonaa nallechinaꞌona xuccoon maaheete; gijjechi asheenaꞌo boonoshi qaawiton gettii waayiiheete; ebina ikkotteꞌi koceeheete.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

Yowannisi 18:40

Boonoshiyoo wochiꞌi, “Barbaani biicheballi, hini uro biichaaye” iibee cookeeheete; ebi Barbaani bokkoone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

2 Ximootiyoosi 3:3

ashoon shunaaneenaꞌo, ashich maaroon imon shunaaneenaꞌo, oonechinaꞌo, boonoshi qelloon quyeyaaneenaꞌo, maacmanjeenaꞌo, deꞌe mooyon shunaaneenaꞌo,