Mikiyaasi 2:2 - Kafa Linguistics Project

² Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Mikiyaasi 2:2 ပူးပေါင်းရင်းမြစ်များ

1 Taateenaꞌo 21:1

Yezireelee asho Nabootich Shamaaree taatoo Akaabichi taatee kechi gaꞌooch woyinee budo beehe.

2 Taateenaꞌo 9:26

Ebiyoo ‘Iberoo yiich Nabootinaa bi bushiisheenaꞌochi damoon beeggeto taane. Ebinoo hini goyoochaa ne toommooch wochemmo taane’ itone Doono Yeeri. Ebich Doono Yeeri gettitoommon, daamiree are goyee budooch dufe” iye.

Iyoobi 31:38

“Ta showoo ta toommooch eeppito bi tunegaata, gocheeti budo ikkotteꞌi eefeto bi tunegaata,

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 5:8

Bareenaꞌoyich beeyi xaaꞌoo aallemmi wottoon, ittoshi baach showee toommooch kotemmi wottoon, kechi toommooch kexon, showee toommoochoo showoon daakkii beetinaꞌote, ittoshich woowo!

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:13

“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane.

Hiziqeeli 33:26

Ittoshi goraadoon gibenehote; ciigiiti mooyon tuniihote; ittoshi ikkikkoona ittoshi nuuchoo mecheen eeꞌiihote; ebi ittoshine showoon woraashemmo?’ gete.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Hiziqeeli 46:18

Iraashoo asheenaꞌon boonoshi iristoochee waaxiichi ashi showoon deqqaaye; bi anaami bushiisheenaꞌoyich bi immemmo bi hajjee showoochee baachiye; ebiyoo ta ashoochee koniyoona bi iristoochee bi waacheyaachemmoyichiye” iye.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 8:4

Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Mikiyaasi 3:9

Dayinnetoon shixxiibeeti, kaame mooyo bullin xummiibeeti, hini Yaaqobi asheenaꞌochi ukkireenaꞌote, Israꞌeeleenaꞌochi iraasheenaꞌote, ebin elle waayebote.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.