Mikiyaasi 2:1 - Kafa Linguistics Project

¹ Gondoon shuunoyich kichii kindiibee, tokketaalli aafoona qeyii beetinaꞌoyich woowo! Hakkoo boonoshich bi beetoyich, ebi aroon showoo harimmona tuniiheete.

Mikiyaasi 2:1 ပူးပေါင်းရင်းမြစ်များ

Halloo 31:29

Gonde mooyon ittoshi toommooch tuniyoon hakkesho ta ahaana, yiichi xum ne nihoo Nuggishoo gumona taanna daneꞌi, ‘Ne qelloon ariibe! Yaaqobich deꞌoon tuneba gondoon, ikke mooyonona wochiyaahine’ iye.

1 Taateenaꞌo 21:7

Bi mechee Elizabeeli biich, “Ebi neene, Israꞌeelee showoon qeejjemmo? Tiyiree maayoon mame; ne mulloo emiribe; Yezireelee asho Nabootichi woyinee budon ta, neech immemmi taane” iyan.

Asteeri 3:8

Ebich Hamaani taatoo Yekisesich ishichiye: “Ne taatee showee daggooch beeti woraafeenaꞌo bulliich shaceꞌi beeti, ikke ashi yaroo beetone. Ebi asheenaꞌochi sheeroo bare asheenaꞌo bullichi sheeroyee baritone. Boonoshiyoo taatoochi sheeroyich deꞌa getaani asheenaꞌone. Ebi asheenaꞌon cikkii qayo taatoyich gaaweto toonoone.

Asteeri 5:14

Arooba bi mechee Zereeshinaa bi shunechinaꞌo bullina ishichiyeete: “Aache hira bede giimboon xogiichi, Mordokiyoosin arooch bi yooddiyemmoyich yaach maaddoona taatoon echebe; aroochee emiribee taatoona tookki gifirooch gibe” iyeete. Ebi mooyo Hamaanin emirikkiye; biyoo giimboon qanniihe.

Iyoobi 15:35

Ebiyoommi asheenaꞌo gondoon gabii, duꞌoon deebiibeeti asheenaꞌone; boonoshi mullooch maroo ceennitone” iye.

Iyoobi 24:14

Ikke amaalli girechon wuxoyich, ashi kashee kichecho haree yaaꞌoona tiyiye; xumoo gaayooch hammiye.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 36:5

Doono Yeero, ne shoodo shimaayooch beddaahaa, ne gibeneyoo gumooch beddaahaa shaggitone.

Shoddo 58:3

Gondeenaꞌo shiijjeyaan bee muricciyeete; boonoshi shiijjoochee tiijjiinoo muriccii koottiyeete.

Shaahiyoo 12:2

Doono Yeeri, gaawe ashoon gaawe aafoona ciinniye; tunebaani gonde gabecho toommooch nalliye.

Shaahiyoo 14:22

Gondoon gabii beetinaꞌo muriccii beetinaꞌone; tunebaani deꞌoon gabii beetinaꞌo, shoodoonaa gibeneyoonon daneheete.

Shaahiyoo 3:27

Neech bi hakkee beetaa, tuniiya ne bedoyich gaawe mooyon tuniyoon qajjaahine.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Isiyaasi 29:20

Maacmanjeenaꞌonaa cooqqirechinaꞌona aallemminaꞌone; gonde shuunechinaꞌo bulli hidaa aallemminaꞌone.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 32:7

Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.

Isiyaasi 5:8

Bareenaꞌoyich beeyi xaaꞌoo aallemmi wottoon, ittoshi baach showee toommooch kotemmi wottoon, kechi toommooch kexon, showee toommoochoo showoon daakkii beetinaꞌote, ittoshich woowo!

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Hiziqeeli 11:2

Doono Yeeriyoo taach ishichiye: “Ashi bushoocho, ebi asheenaꞌo gonde mooyon yamii beetinaꞌone; hini katemee asheenaꞌoyichoo gonde mooyon koccii beetinaꞌonane.

Hiziqeeli 33:26

Ittoshi goraadoon gibenehote; ciigiiti mooyon tuniihote; ittoshi ikkikkoona ittoshi nuuchoo mecheen eeꞌiihote; ebi ittoshine showoon woraashemmo?’ gete.

Hiziqeeli 38:10

“ ‘Nuggishoo Doono Yeeri Googich ishichii beetone: Ebiyooba mooyon gabooch giyemmo neene; gonde yamoonoo yamemmo neene;

Hiziqeeli 46:18

Iraashoo asheenaꞌon boonoshi iristoochee waaxiichi ashi showoon deqqaaye; bi anaami bushiisheenaꞌoyich bi immemmo bi hajjee showoochee baachiye; ebiyoo ta ashoochee koniyoona bi iristoochee bi waacheyaachemmoyichiye” iye.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Naahoomi 1:11

Hini Nanawi asheenaꞌote, Doono Yeeri toommooch koceebeeto, gondoon boyeebeetoo, ittoshi daggoochee kechemmone.

Zakaariyaasi 7:10

Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Luqaasi 20:19

Qeeshee ukkireenaꞌonaa Muusichi Sheeree dojjechinaꞌona “Ebi shaahiyoona noonalli bi gettiibeeto” iꞌi, areegaata Yesuusin yecha qaawiyeete; tunetaa dofee asheenaꞌon shattiꞌi qajjiyeete.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Mishiraachechinaꞌo 23:12

Showoo haraa, Ayihudeenaꞌo daggoochee ikkikkeenaꞌo kiceeꞌi, “Hini Phawuloosin wuxaanoon maayoon tuneba uyoon yeshaachone” iꞌi boonoshi kashoona wogeheete.

Mishiraachechinaꞌo 23:15

Illa and ittoshi Ayihudee nallechinaꞌona tookki hume ginee iraashoon ‘Phawuloosin wochiree eche no manjiyemmi mooyo beetone’ getiree, ittoshi waan bi woyemmoyich echebote. Hiniich bi shagaan beetaa, gommoochaa quyeree wuxemmo noone” iyeete.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Yibbaatoo 28:32

Ne anaami bushiisheenaꞌonaa maache bushiisheenaꞌona, ne ciini beetaa, bare showee asheenaꞌoyich beshiitaa ichemminaꞌone. Boonoshin echiyoyich giidoon muccemmo neene; ‘Woyemminaꞌone’ geti qemi qemona ciinibee taahemmo neene.