Mikiyaasi 1:2 - Kafa Linguistics Project

² Haanoshite, aageteenaꞌote, ebin waayebote! Showoonaa bi daggooch beetinaꞌonote, ebin ellebote! Yeeri yaafe bi kexooch beechii, Nuggishoo Doono Yeeri ittoshi toommooch miixee beetone.

Mikiyaasi 1:2 ပူးပေါင်းရင်းမြစ်များ

1 Taateenaꞌo 22:28

Mikiyaasiyoo, “Diggoona ne wottegaata, Doono Yeeri taanna getaanoone” iye. Aroochee, “Asheenaꞌote, ittoshi bulliyoo ebin waayebote” iye.

2 Kiinoo 18:27

Mikiyaasiyoo “Diggoona ne wottegaata, Doono Yeeri taanna getaanoone” iye. Aroochee “Asheenaꞌote, ittoshi bulliyoo ebin waayebote” iye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Shoddo 28:2

Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 50:1

Giidechi Nuggishoo Doono Yeeri gettiye. Aabi keyoochee aabi gimmooch beddaahaa ashoon ceeggiye.

Shoddo 50:12

“Alemoonaa arooch beeto bullina taacho bi tunetoyich, taan bi shaacii gaatoona neech getaache.

Shoddo 50:7

“Ta ashoocho, waayebe; ta neech getona; Israꞌeelo, ne toommooch miixebona; ta, ne Nuggishoo Yeeri taane.

Shaahiyoo 8:4

“Asheenaꞌote, ittoshin ceeggaabeeti taane; ashi bushiisheenaꞌo waanoo cookaabeeti taane.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Erimiyaasi 22:29

Showoocho, showoocho, showoocho! Doono Yeerichi qaaroon waayebe!

Erimiyaasi 29:23

Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.

Erimiyaasi 42:5

Aroochee Erimiyaasich ishichiyeete: “Ne Nuggishoo Doono Yeeri neenna no waan bi deejjimmi qaaro bulliyoommona tuniyoo no qayigaata, Doono Yeeri no toommooch iberoonaa gibeneeti miixoona tunebe.

Erimiyaasi 6:19

Showoocho waayebe; ta qaaroon waayo boonoshi qajjitoyich, ta sheeroonoo boonoshi duppitoyich, boonoshi gabeechi aafo tuneti gonde mooyon boonoshi toommooch deebemmo taane.

Yoonaasi 2:7

“Doono Yeero, ta kashe kech beddaachee neen gabiyoye; ta qolloo ne waan, yaafoo tuneti, damba ne yaafee kexooch kechiye.

Yoonaasi 2:8

“Gaacaalli shahalleenaꞌoyich goyinnee beetinaꞌo, neech gibeneeto tunoon qajjitinaꞌone.

Imbaaqoomi 2:20

Tunebaani Doono Yeeri yaafoo tuneti bi yaafee kexooch beetone; showee toommooch beeti asho bulli bi aafooch minnakanna gettaaye.

Milikiyaasi 2:14

Ittoshiyoo “No deejjoon deqqemmon bi qajjito amoyichiye?” geti echemmo ittoshine; ebiyoo ne bushittinee mecheyich ne wogeti wogoon ne biishon bi ariitoyichiye. Ne mechee neech nuucheenaa ne wogee mecheena tunaa bi beetaa, Doono Yeeri aafoochaa ne wogeti wogoon biicheto neene.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Yibbaatoo 32:1

“Shimaayoocho, elle waayebe. Tawoo gettemmo taane; showoo ta noonoochee kechiibeeti qaaroon waayebe.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 2:29

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 3:13

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 3:22

Yaafe Ayaano kittinnee guuphinaꞌoyich gettii beeton waayeebeeti waajjecho waayebe” iye.

Yaaꞌoo 3:6

Yeerichi Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Woraaferasheenaꞌo 11:10

Boonoshiyoo “Doono Yeeri no daggooch miixoo tunebe. Iberoon ebi ne getteton tuniyemmo noone” iyeete.