Mikiyaasi 1:1 - Kafa Linguistics Project

¹ Yihudee taateenaꞌo, eboshiyoo Yotaami, Akaazinaa Hiziqiyaasinochi taatee yemeenooba, Moresheti gafee asho tuneti Mikiyaasich waati Doono Yeerichi qaaro, Shamaarinaa Yerusaalemichonon bi beeggiti yaaꞌoo:

Mikiyaasi 1:1 ပူးပေါင်းရင်းမြစ်များ

2 Taateenaꞌo 15:32

Israꞌeelee taatoo, Remaliyi bushoo Feqaahi taateti guttinnee natooba, Yihudee taatoo, Uziyaahi bushoo Yotaami taatehe.

2 Taateenaꞌo 15:5

Doono Yeeriyoo Azariyaasin qeddee shaddee biiyoona yexxiye. Ebich bi qitimmi aabooch beddaahaa, qeddee shaddee biiyechon tuneꞌi beehe. Ebina bare kexooch bi ikkeeto beehe. Ebiyooba taatoochi bushoo Yotaami taatee kexooch ukkireꞌi, showoon qeejjii beehe.

2 Taateenaꞌo 16:1

Remaliyi bushoo Feqaahi taateti aaraa shabaattinnee natooba, Yihudee taatoo, Yotaami bushoo Akaazi taatehe.

2 Taateenaꞌo 18:1

Israꞌeelee taatoo, Elaahi bushoo Hosheehi taateti keejjinnee natooba, Yihudee taatoo, Akaazi bushoo Hiziqiyaasi taatehe.

2 Kiinoo 28:1

Akaazi bi taatehooba, bi eeno hiye natone. Yerusaalem beechii aaraa shiritte naton qeejjiye. Biyoo bi qaabbechi Daawitichoommon Doono Yeeri aafooch kaame mooyon tuniyaanoone.

2 Kiinoo 29:1

Hiziqiyaasi bi taatehooba, bi eeno hiyaa uuche natone. Yerusaalem beechii hiyaa yiixiye naton qeejjiye. Bi indee Abiyi getteehan; biyoo Zakaariyaasi busheene.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Hosee'i 1:1

Yihudee taateenaꞌo, eboshiyoo Uziyaahi, Yotaami, Akaazinaa Hiziqiyaasinochi taatee yemeenooba, wotta Israꞌeelee taatoo, Yehoꞌashi bushoo Yeroboꞌamichi taatee yemeenooba Beerichi bushoo Hoseeꞌich waati Doono Yeerichi qaaro:

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Amootsi 1:1

Uziyaahi Yihudee taatoo, Yehoꞌashi bushoo Yeroboꞌamiyoo Israꞌeelee taatoo tuneꞌi boonoshi beehooba, ebiyoo showee qewoyee gutte natoyee aaf, Teqoꞌa beeti qiddeenaꞌo daggoochee ikkoo tuneti Amootsich Doono Yeeri yaaꞌoona Israꞌeeleenaꞌochon bekkiihe.

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Mikiyaasi 1:5

Ebi bullichi naboo, Israꞌeeleenaꞌo shuuneti axaaxoonaa hukkoonane. Israꞌeeleenaꞌo shuuneti hukkoyich echeyemmo konine? Shamaari katemoo toone? Yihudee asheenaꞌo shahalloyich goyinnoona axaaxoon boonoshi shuunemmoyich tuniito konine? Yerusaalem toone?

Mikiyaasi 3:9

Dayinnetoon shixxiibeeti, kaame mooyo bullin xummiibeeti, hini Yaaqobi asheenaꞌochi ukkireenaꞌote, Israꞌeeleenaꞌochi iraasheenaꞌote, ebin elle waayebote.

Imbaaqoomi 1:1

Doono Yeeri keemechi Imbaqoomi yaaꞌoona beeggemmoyich bi tuniiti wocho: