Maatiyoosi 9:6 - Kafa Linguistics Project

⁶ Tunetaa Ashi Bushoo hini showee toommoochaa ashi axaaxoon maaroyich hakkoo biich beemon ittoshi ariyemmoyich” iꞌi bi ashittino qititi uroon “Hini uroocho, and tiyi ne shaaꞌoon shaagiree ne kexooch hambe” iye.

Maatiyoosi 9:6 ပူးပေါင်းရင်းမြစ်များ

Isiyaasi 43:25

“Ta shigoyicha geti ne axaaxoon maaremmo, ta qelloona Yeeri taane; ne axaaxoon gabaachemmo taane.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Maatiyoosi 4:24

Arooba bi mooyo Sooriyee showoo bulliich waayeehe. Ebich asheenaꞌo baribare biiyoonaa xuuxoona xuuxeꞌi beetinaꞌo bullin, yinno boonoshi toommooch beetinaꞌon, duppiibeeti biiyechinaꞌon, boonoshi ashittino qititinaꞌon eboshi bullin bi waan deebiyeete; boonoshinoo Yesuusi wodiihe.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maatiyoosi 9:2

Arooba bi ashittino qititi ikke uroon shaaꞌoona shaaggiꞌi bi waan deebiyeete. Yesuusiyoo bi toommooch mulloon boonoshi tooꞌiyoon beeggiꞌi, bi ashittino qititi uroon “Ta bushoochoo, kupphebe; ne axaaxoo maareetone” iye.

Maatiyoosi 9:5

‘Ne axaaxoo maareetone’ getonaa ‘Tiyiree hambe’ getonoochee kettoo aabine?

Maatiyoosi 9:7

Bi ashittino qititi uroo bekkech tiyiꞌi bi kexooch hammiye.

Maariqoosi 2:10

Tunetaa Ashi Bushoo hini showee toommoochaa axaaxoon maaroyich hakkoo biich beemon ittoshi ariyemmoyich” iꞌi,

Maariqoosi 2:7

“Hini uro amoyich ishichiꞌi gettiye? Ebi Yeerin naagone. Ikke Yeeriyee damba ashi axaaxoon maaroon hakkemmo konine?” iꞌi gabiyeete.

Luqaasi 5:21

Areegaata Muusichi Sheeree dojjechinaꞌonaa Fariseenaꞌona “Ebi Yeerin naaggiibeeto konine? Ikke Yeeriyee damba ashi axaaxoon maaroon hakkemmo konine?” iꞌi gabiyeete.

Yowannisi 10:28

Tawoo boonoshich bulli yemeenee kashoon immemmo taane; boonoshiyoo cir aalleyaachemminaꞌone. Boonoshin ta kishoochee boggemmo koniyoona aalloone.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Yowannisi 5:8

Yesuusiyoo “Tiyi ne yeebboon qodi shaagiree hambe” iye.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Mishiraachechinaꞌo 9:34

Biinoo ishichiye: “Eeniyoo, Yesuus Kiristoosi neen wodiitone. Tibe, ne qeenon yaggibe” iye. Aroo bekkech tiyiye.

2 Qorontoosi 2:10

Illa ittoshi maariti ashoon tawoo wotta maarito taane; ta maaremmi mooyo amolla bi beegaata, ittoshicha iyaꞌa Kiristoosi aafooch maarito taane.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Qolaasiyaasi 3:13

Ittoshinaa ittoshina ikkoochi mooyon baroo haaꞌiibe; koniyoona bi manoo toommooch bi qoonniti mooyo beegaata, maaribote. Doono ittoshin bi maaritoommon ittoshiyoo wotta ebiyoommon maaribote.