Maatiyoosi 9:27 - Kafa Linguistics Project

²⁷ Yesuusi aroochee tiyiꞌi bi hammii beetaa, aaf dooge gutte asheenaꞌo “Daawiti Bushoocho! Nooch ariqqebe” iꞌi cookiibee biin dabbiyeete.

Maatiyoosi 9:27 ပူးပေါင်းရင်းမြစ်များ

Maatiyoosi 1:1

Abrahamichi bushoonaa Daawitichi bushoona tuneti Yesuus Kiristoosichi shiijjee yoodo ebine:

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 15:22

Bekkech are showooch beeti Kanaanee ure waaꞌa, “Ta Doonocho! Daawiti Bushoocho! Taach ariqqebe! Ta busheen giidechi maach biiyo yechitone” iyaꞌa cookaabee qollahan.

Maatiyoosi 17:15

ishichiye: “Doonocho, ta bushoyich ariqqebe. Maachi biiyo biin oogeton xuuxiitone. Meeti wottoon qaaqqooch, aacoochoo dichii beetone.

Maatiyoosi 20:29

Ebiyee gubb, Yesuusinaa bi dabbeenaꞌona Yaarikee kechii hammii beetaa, dofee asheenaꞌo Yesuusin dabbiyeete.

Maatiyoosi 21:15

Tunebaani qeeshee ukkireenaꞌonaa Muusichi Sheeree dojjechinaꞌona Yesuusi tuniiti worganikkiti mooyonaa yaafee kexoochaa “Hosaana! Daawitichi Bushoyich oogo tunebe” iibee cookiibeeti bushiisheenaꞌonon beeggiꞌi ippeheete.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Maatiyoosi 9:28

Yesuusi kexooch bi giyitoyee gubb are aaf doogeenaꞌo bi waan giddeheete. Yesuusiyoo “Ittoshi aafoon wodiyee ta hakkoon iberiihote?” iꞌi echehe. “Eeha, no Doonocho!” iꞌi wochiyeete.

Maariqoosi 11:10

Woyemmi no nihoo Daawitichi taatittine diireebuye! Hosaana! Shimaajji shimaayooch beeti Yeeri galleteebe!” iibee cookeeheete.

Maariqoosi 9:22

Wuxi kuxxa iꞌi meeti areddoon qaaqqoochoo, aacoochoo biin dichitone. Neech bi hakkeegaata, nooch ariqqeree, noon gaachebe” iye.

Luqaasi 17:13

boonoshi qaaroon oogichiꞌi, “Yesuusi no Doonocho, nooch ariqqebe!” iꞌi cookiyeete.

Luqaasi 20:41

Ebichi hillooch Yesuusi boonoshich ishichiye: “ ‘Kiristoosi Daawitichi bushoone’ iꞌi aabichii gettiyeete?

Luqaasi 7:21

Arooba Yesuusi meeti asheenaꞌon iritiibeeti biiyoonaa naxo bullinoochee wodiihe; yinneenaꞌonoo meetinaꞌo toommoochee yookkiye; meeti aaf doogeenaꞌo aafoonoo ciichiihe.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.