Maatiyoosi 8:20 - Kafa Linguistics Project

²⁰ Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maatiyoosi 8:20 ပူးပေါင်းရင်းမြစ်များ

Shoddo 104:12

Are aachi gasheexi mixinaꞌooch shimaajji kafeenaꞌo gafiyeete; aroochaanoo shoddeheete.

Shoddo 104:17

Kafeenaꞌo arooch boonoshi kexon haggiyeete; maannaakkeenaꞌo ciidee mixinaꞌooch boonoshi beemi xaaꞌoon qanniiheete.

Shoddo 109:22

Ta, girechonaa amaalloona ta tunetoyich, ta mulloo buricehe.

Shoddo 40:17

Ta, girecho, amaalli hulloo taane; tunebaani Doono taach gabemmone. Ne, ta gaachoonaa taan wodiyechona neene; ta Nuggishoocho, yagiyaahine.

Shoddo 69:29

Tunebaani ta, xuuxoonaa duꞌonoochiye ta beeto; Yeero, ne taan wodiibe; taan quyebe.

Shoddo 84:3

Ta Taatoo, ta Nuggishoo, Beshe Mawe Doono Yeero, ne deejjee gudee gaꞌooch gaashikafee kexon haggahane; gishiishi kafeenaꞌoo boonoshi qellich, boonoshi bushiishoon boonoshi geddemmoyichoo, kexon daneheete.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Maatiyoosi 12:32

Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.

Maatiyoosi 12:40

Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.

Maatiyoosi 12:8

Ashi Bushoo shambetoyich Doonone” iye.

Maatiyoosi 13:37

Biyoo wochiꞌi ishichiye: “Deꞌe yaroon shookkito Ashi Bushoone;

Maatiyoosi 16:13

Yesuusi Filipphoosi Qesaariyi katemee gaꞌooch beeti showooch shaggiꞌi tiyii bi dabbeenaꞌon “Asheenaꞌo Ashi Bushoon konine ii beeteete?” iꞌi echehe.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 17:9

Ebiyee gubb, Yesuusinaa keejje bi dabbeenaꞌona guudi toommoochee boonoshi kindii beetaa, Yesuusi “Ashi Bushoo qitoochee tiyimmi wottoon, ittoshi beeggiton konichona gettaahote” iꞌi gettiye.

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 12:8

“Ittoshich gettoye: Ashi aafoochaa taacho bi tunoon miixeebeeto bullich, Ashi Bushoo wotta Yeerichi maraakeenaꞌo aafoochaa taachone getiree miixemmone.

Luqaasi 18:8

Ittoshich gettoye: Boonoshich kaateree nallemmone. Tunebaani Ashi Bushoo waahooba, showee toommoochee boonoshi mulloon bi toommooch tooꞌiiꞌi biin quyee beetinaꞌon danehe?” iye.

Luqaasi 2:12

Ebi ittoshich malletoo tunemmone: Gaggeroo buroommi qoreddoona caaccee yegillooch tokketeꞌi beeton danemmo ittoshine” iye.

Luqaasi 2:16

Ebina qiddeenaꞌo bekkech tiyii afaafinoona hammiꞌi Maariyaminaa Yooseefinon, yegillooch tokketee beeti gaggeroonoo daneheete.

Luqaasi 2:7

Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch tokketiihan.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 8:3

taatoo Heroodisichi kechi guudo Kuuzi mechee Yowani, Susaaninaa bare meeti genneenaꞌona boonoshi gijjoona Yesuusinaa bi dabbeenaꞌonon deggii beeheete.

Luqaasi 9:58

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; tunebaani Ashi Bushoyich giyi bi qeyemmi xaaꞌoo aalloone” iye.

Yowannisi 1:51

“Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Yowannisi 12:34

Ebich dofee asheenaꞌo “No, Kiristoosi bulli yemeenoon beeyemmo bi tunoon Sheeree Macaafoochee waayeto noone. Newochi ‘Ashi Bushoo showoochee tiijjeyemmone’ iyaꞌa aabichaꞌa gettenne? Ishi Ashi Bushochi konine?” iꞌi echeheete.

Yowannisi 13:31

Yihudi kechitoyee gubb Yesuusi ishichiye: “And Ashi Bushoo oogoon danetone; Yeeriyoo biinna oogetone.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 3:14

Muusi barahoochaa dingeroon michi toommooch bi yoodoommon, Ashi Bushoo yooddeyoo biich qaawiihe.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 6:53

Ebich Yesuusi boonoshich ishichiye, “Iberoon ittoshich gettoye: Ashi Bushoo meenon ittoshi mamo qayigaata, bi damoonoo ittoshi uyo qayigaata, ittoshi qelloona kasho ittoshich aalloone.

Yowannisi 6:62

Illa Ashi Bushoo aaf bi waati xaaꞌooch wotteree bi keyaa ittoshi beegigaata, ama gettehote?

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.