Maatiyoosi 8:11 - Kafa Linguistics Project

¹¹ Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Maatiyoosi 8:11 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

Halloo 28:14

Ne shiijjereenaꞌon showee toommeexi qacoochoommon meechemmo taane; boonoshiyoo aabi-gimo waaninaa aabi-keyo waanina, dambi-waaninaa deshi-waanina gaminnemminaꞌone. Showee toommeexi aageteenaꞌo bulli neennaa ne shiijjereenaꞌona diireyemminaꞌone.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 98:3

Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 59:19

Doono Yeeri, yuboo gasheebeeti ambamboochoommon woyemmo bi tunetoyich, aabi-gimo waan beetinaꞌo Doono Yeeri shigoon, aabi-keyo waan beetinaꞌoo bi oogee yiiroon shattemminaꞌone.

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 21:41

Boonoshiyoo wochiꞌi, “Hini gonde asheenaꞌon guuri ciichemmone; woyinee aafoonoo bi goori gooroona biich deebemmi bare quyechinaꞌoyich immemmone” iyeete.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Maatiyoosi 8:10

Yesuusi ishin waayeꞌi worganehe; biin dabbiibeeti asheenaꞌoyichoo ishichiye: “Iberoon ittoshich gettoye: Ta toommooch ebiyoommi mullee tooꞌiyoon Israꞌeelee showoocheenolla daneyaano taane.

Luqaasi 12:37

Boonoshi doono waahaa, tokketeyaanoon quyeebee danemmi wochee bushiisheenaꞌo diireetinaꞌone. Iberoon ittoshich gettoye: Bi shuunee tahoon taheree madooch boonoshin kotiichi qoomeree maanjemmone.

Luqaasi 16:22

“Ebiyee gubb, are girecho qitiye; maraakeenaꞌo deenniꞌi Abrahamichi sheenooch daammii kotiiheete. Gaannecho wotta qitiꞌi duukkehe.

Mishiraachechinaꞌo 10:45

Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

Efesooni 3:6

Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

2 Tasaloonqi 1:5

Ebi bulli Yeerichi kaame nalloo bi tunooniye bi bekkiibeeto. Wotta biicha iꞌi xuuxoon ittoshi beeggiibeeti, Yeerichi taatittinee shimaajji kexooch gimoyich bedditon tune haddeyemmo ittoshine.

Yaaꞌoo 7:6

Aseeri yoodoochee aaraa gutte humeenaꞌo, Nifitaali yoodoochee aaraa gutte humeenaꞌo, Minaasi yoodoochee aaraa gutte humeenaꞌo,