Maatiyoosi 7:7 - Kafa Linguistics Project

⁷ “Yeerin qollebote; ittoshich immemmone. Yeer waanee qaawibote; danemmo ittoshine. Bi kelloonoo qofote; ittoshich qechemmone.

Maatiyoosi 7:7 ပူးပေါင်းရင်းမြစ်များ

Halloo 26:32

Arooba Yisaaqichi gaddireteenaꞌo waaꞌi, boonoshi iijjiti oppeechon Yisaaqich gettiyeete. Boonoshiyoo “Aacon daneto noone” iyeete.

1 Taateenaꞌo 3:5

Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 119:12

Doono Yeero, galleteeti Nuggishoo neene; ne qociyoon taach dojjibe.

Shoddo 27:8

Newoo, “Taan qaawibote” iyine; Doono Yeero, ta mullo “Neen qaawemmo taane” iye.

Shoddo 34:4

Doono Yeer waan corootiyo; biyoo ta corootoon waayehe; ta shattaabeeti mooyo bulliichee taan wodiihe.

Shoddo 37:4

Doono Yeerina emiribe; biyoo ne mullee qaatoon neech immemmone.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 69:32

Xukketinaꞌo ebin beegiree emiremminaꞌone; Yeerich qeyitinaꞌote, ittoshi mullo goggebe.

Shoddo 70:4

Neen qaawii beetinaꞌo bulli neenna emiri, emiroona wucwuceete; ne wodiyoon shunnii beetinaꞌo bulli aaboon, “Yeeri oogoone” geteete.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Solomooni 3:2

And tiyi katemee gommonaa addibaaboonon guuddemmi taane; kashoona ta shunnaa beeton qaawemmi taane; biin qaawiyoye; tunebaani daneyaane taane.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Maatiyoosi 18:19

“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone.

Maatiyoosi 21:22

Yeeri toommooch ittoshi mulloon tooꞌiyoona biin ittoshi qollemmo bullin danemmo ittoshine” iye.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Maatiyoosi 7:11

Gondo ittoshi tunetaanoona ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich deꞌe mooyon am shaahoon beshaa beshiiree immehe!

Maatiyoosi 7:8

Yeeri biin qolleebeeto bullich immemmone; qaawiibeeto bulliyoo bi waanee danemmone; bi kelloon qoppiibeeto bullichoo qechemmone.

Maariqoosi 11:24

Ebich corootoona amee mooyonona ittoshi qolleton Yeer waanee ittoshi daneto tunoon iberiibote; ittoshich tunemmone.

Luqaasi 13:25

Kechi doono kotoochee tiyii kelloon bi tuggemmona, ittoshi maaxooch neexeechi, ‘Doonocho, nooch qechibe’ getiree kelloon qoppemmo ittoshine. “Biyoo ittoshich wochiree, ‘Koni ittoshi gaata, amoochee ittoshi waato gaatoo, ariyaano taane’ gettemmone.

Luqaasi 18:1

Ebiyee gubb, taahaanoon bulli aaboon corooteechon Yesuusi ishichiꞌi bi dabbeenaꞌoyich hini shaahiyoona gettiye:

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Roomi 3:11

shalligiibeeto aalloone; Yeerinoo qaawiibeeto aalloone.

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Yaaqobi 5:15

Ebiyoommi mullee tooꞌiyoona giddeti corooto biiyeton wodiyemmone; Doono Yeeriyoo bi biiyoochee biin wodiyemmone; axaaxoon shuuneto bi tunegaatoo, biin maaremmone.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.