Maatiyoosi 7:6 - Kafa Linguistics Project

⁶ “Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

Maatiyoosi 7:6 ပူးပေါင်းရင်းမြစ်များ

Shaahiyoo 11:22

Gaawe gabaalli maachechi malleto, gudichi muddooch xogeeti aachoommone.

Shaahiyoo 23:9

Shalligechi ne yibbaatoon kettiyemmo bi tunetoyich, mullaalli ashich amoonolla gettaahine.

Shaahiyoo 26:11

Wochii wochii tuushiibeeti mullaalli asho, bi cooyon nappheya wotteebeeti kunaanoommone.

Shaahiyoo 26:4

Biin ne shaahaachemmoyich, mullaalloyich bi tuushittinoommona wochiyaahine!

Maatiyoosi 15:26

Yesuusi wochiꞌi, “Bushiisheenaꞌochi maayoon tiijjiꞌi kunaaneenaꞌoyich dufo tato toonoone” iye.

Maatiyoosi 24:10

Arooba meetinaꞌo taan qajjemminaꞌone; boonoshinaa boonoshina ikkoo ikkoon beshiiree immemmone; boonoshinaa boonoshina shixeyemminaꞌone.

Maatiyoosi 7:5

Hini ne maacoon xalloo shaahiibeeti uroocho, shiichiree ne aafeexi xuggoon kichibe. Ebiyee gubb ne manoo aafeexi guudeen kichoyich manjiiree ciinnemmo neene.

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 6:6

aroyee gubb qajjii wotteꞌi nookketinaꞌon, wochinnoon Yeer waan wochiꞌi boonoshin andiriyoo hakkeyaanoone. Ebiyoo, Yeerichi Bushoon wochinnoon boonoshi yooddii beetoyich, ashi aafoochoo boonoshi giishii beetoyichiye.

2 Pheexiroosi 2:22

“Kunaanoo bi cooyoon nappheya wottehe”; wotta “Gudini machaa bi itoyee gubb wochinnoon dengooch gedereya wottahane” ii beeti tochoo boonoshina iberetone.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.