Maatiyoosi 7:24 - Kafa Linguistics Project

²⁴ “Illa hini ta qaaroon waayeꞌi ceechiibeeto bulli, bi kexon manje xaqqee nashee toommooch haggiti mullechi uroommone.

Maatiyoosi 7:24 ပူးပေါင်းရင်းမြစ်များ

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 119:130

Ne qaaroon doyoo bekkoon immiye; tuusheenaꞌon shalligechinaꞌo tuniihe.

Shoddo 119:99

Ne qociyeenaꞌon kichaa kindiyaa ta gabaa beetoyich, taan dojjechinaꞌo bulliyee beshe shalligoo taach beetone.

Shaahiyoo 10:25

Yuboo tiyiyooba gonde asho hidee aallemmone; tunebaani cadiqo bulli yemeenoon manjiree beeyemmone.

Shaahiyoo 10:8

Mullechi asho getoon waayehe; tunebaani heefinniibeeti tuushoo aallemmone.

Shaahiyoo 12:7

Gondeenaꞌo dihimmona, boonoshi dookoo dooggiye; tunebaani cadiqeenaꞌochi shiijjeroo manjemmone.

Shaahiyoo 14:8

Ariyechochi shalligoo, bi gommon bi muricaachemmoyich tuniihe; tunebaani tuushoon mullee mucco muriciihe.

Maatiyoosi 12:50

Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Maatiyoosi 24:45

“Illa maayoon boonoshich qaawiimmi saatoona bi immemmoyich bi doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Maatiyoosi 25:2

Boonoshi daggoochee uucheenaꞌo mullechinaꞌo, uucheenaꞌo mullaalleenaꞌone.

Maatiyoosi 25:4

Tunetaa mullechinaꞌo boonoshi ceechoonaa wotta qulloona bare ceechee zayitoonon yechiꞌi kechiyeete.

Maatiyoosi 25:9

“Tunetaa mullechinaꞌo wochiꞌi, ‘Nooch beeti ceechee zayito noonnaa ittoshinoyich bedo bi qayigaatoche? Ebiyee hamiree kemmii beetinaꞌo waanee ittoshi qellich kemebote’ iyeete.

Maatiyoosi 7:25

Amiyo kindiye; ambamboo tiyiye; yongo yongehe; are kexon xuqqiye. Tunetaa manje xaqqee nashee toommooch bi hakketoyich, dihaanoone.

Maatiyoosi 7:26

Wotta hini ta qaaroon waayeꞌi ceechaano bulli, bi kexon qacee toommooch haggiti mullaalli uroommone.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Yowannisi 13:17

And ebin ariiꞌi ittoshi tuniigaata, diireeto ittoshine.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 15:14

‘Tuniibote’ iyaꞌa ittoshich ta getteto bullin ittoshi tuniigaata, ta shunecho ittoshine.

Roomi 2:13

Yeeri aafoochaa cadiqemminaꞌo sheeroon waayeꞌi shuunee toommooch heechii beetinaꞌoani, sheeroon baad cikkii waayee beetinaꞌo tooneenaꞌone.

1 Yowannisi 2:3

Yeerichi getoon ceechaabeeto no tunegaata, ebina biin ariito no tunoon xiishii ariibeeto noone.