Maatiyoosi 7:21 - Kafa Linguistics Project

²¹ “Shimaayooch beeti ta Nihoochi daaggoon ceechii beetoani, baad taan ‘Ta Doonocho, ta Doonocho!’ ii beeto bulli shimaajji taatittineech giyemmo toonoone.

Maatiyoosi 7:21 ပူးပေါင်းရင်းမြစ်များ

Maatiyoosi 12:50

Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:19

“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone.

Maatiyoosi 18:3

Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine.

Maatiyoosi 18:35

“Illa ittoshi ikkikkoo bi manoon bi mulloochee tiijjiꞌi bi maaroo qayigaata, shimaayeexi ta Nihoo ebiyoommon bi toommooch tuniyemmone” iye.

Maatiyoosi 19:24

Wochinnoon ittoshich gettoye: Gaaleyich nappee aahoona besho maggoone; tunebaani gaannechi uroyich Yeerichi taatittineech gimo ebiyee beshoon maggoone” iye.

Maatiyoosi 25:10

“Kemeya boonoshi hammiichaa, woꞌee keno waahe. Qanniꞌi beeti uucheenaꞌo biinna tookkii gaaree kexooch giyiyeete; kello bekkech tuggeehe.

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Maariqoosi 3:35

Taach manoo, maneenaa indeena Yeerichi daaggoon ceechii beetinaꞌo bulline” iye.

Maariqoosi 9:47

Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee, ashi meenon maabeeti hipperoo qitaani, aaxxo tahaani shiweree qaaqqooch ne duppeyoyee, ikke aafoona beebee kashee kexooch giyiꞌi beemo neech gaawiye.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Luqaasi 13:25

Kechi doono kotoochee tiyii kelloon bi tuggemmona, ittoshi maaxooch neexeechi, ‘Doonocho, nooch qechibe’ getiree kelloon qoppemmo ittoshine. “Biyoo ittoshich wochiree, ‘Koni ittoshi gaata, amoochee ittoshi waato gaatoo, ariyaano taane’ gettemmone.

Luqaasi 18:25

Gaaleyich nappee aahoona besho maggoone; tunebaani gaannechi uroyich Yeerichi taatittineech gimo ebiyee beshoon maggoone” iye.

Luqaasi 6:46

“Ta gettaa beeton ceechaachote. Illa amoyichiye ‘Ta Doonocho, ta Doonocho’ iꞌi taan ittoshi ceeggiibeeto?

Yowannisi 14:7

Taan ittoshi ariito gaata, wotta ta Nihoon ariyesho ittoshine. Hanaachina tiijjiꞌi biin ariito ittoshine; biinoo beeggito ittoshine” iye.

Yowannisi 15:23

Taan shixxiibeeto, ta Nihoon wotta shixxii beetone.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 2:13

Yeeri aafoochaa cadiqemminaꞌo sheeroon waayeꞌi shuunee toommooch heechii beetinaꞌoani, sheeroon baad cikkii waayee beetinaꞌo tooneenaꞌone.

Efesooni 6:6

Mulloochee tiijjiꞌi Yeerichi daaggoon tuniibeeti Kiristoosichi guunochoommonalli, ashoon emirikkoyich ashi beꞌenoyich hajjee beeton tuneyaahote.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Tasaloonqi 4:3

Yeerichi daaggoo shunee mamo bulliichee wokkiꞌi yaafittinoona ittoshi beemone.

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Hibireena'o 4:6

Illa shiichiꞌi mishiraachee qaaro boonoshich getaa waayetinaꞌo deꞌa getaache boonoshi itoyich, are boonoshi kashemmoyich Yeeri imma gabiti xaaꞌooch giyaaneenaꞌone; tunebaani arooch boonoshi giyemmoyich Yeeri daaggiti ikkikkeenaꞌo beetinaꞌone.

Yaaqobi 1:22

Ittoshi waayeebeeti Yeerichi qaaroon shuunee toommooch heechiibotalli, ittoshi qelloon wochi dawushibee waayee beeton baach tuneyaahote.

1 Pheexiroosi 2:15

Ebiyoo deꞌe shuunoon shuunebee, iberoon ariyaani mullaalleenaꞌo ittoshi toommooch boonoshi yibbaatemmi yibbaatoon ittoshi mucciyemmoyich, Yeerichi daaggoo bi tunetoyichiye.

1 Pheexiroosi 4:2

Illa ebiyee gubb meenona beemoyich biich echeti yemeenooch bi beeyemmo Yeerichi daaggoyichalli, bi meechi gonde qaatoyich hajjeeree toonoone.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.