16 Boonoshin ittoshi ariyemmo boonoshi shuunoonane. Ebiyoommon asheenaꞌo angixoochee woyinee aafoon, guccinoochee balaasee michi aafoon maceheete?
Gaggere busholla xalloonaa kaamoona bi tuno, bi tuniibeeti mooyona arichehe.
Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine.
Ebich koote keemechinaꞌon ittoshi ariyemmo boonoshi shuunoonane” iye.
Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,
Tunebaani ikke asho “Neech mullee tooꞌiyoo beetone; taachoo shuunoo beetone” ii beeti asho bi beegaata, tawoo biich, “Eke ne mullee tooꞌiyoon shuunoyee bariiree bekkiibe; tawoo ta mullee tooꞌiyoon shuunoona bekkiyemmo taane” gettemmo taane.
Ta maneenaꞌote! Balaasee mixo zayitee michi aafoon aafo woyee woyinee qomboo balaasee aafoon aafo hakkehe? Ebiyoommon kiiho kechiibeeti aacoochee gaawe aaco keyaanoone.
Wonnee asheenaꞌochi tochoochaa ‘Gonde asheenaꞌo waanee gonde mooyo kechiye’ getteetone; tunebaani ta ne toommooch amee gondoonona tuniyaachemmo taane.