Maatiyoosi 7:15 - Kafa Linguistics Project

¹⁵ “Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Maatiyoosi 7:15 ပူးပေါင်းရင်းမြစ်များ

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

Erimiyaasi 29:21

Israꞌeelee Nuggishoo Beshe Mawe Doono Yeerichi shigoona koote keemoon ittoshich keemmiibeeti Qolaayichi bushoo Akaabinaa Maseyaahichi bushoo Sedeqiyaasinochon ishichiye: “Boonoshin Baabloonee taatoo Nabukadinatsorichi kishooch beshiiree immemmo taane; ittoshi aafoochaa boonoshin wuxemmone;

Erimiyaasi 29:32

Doono Yeeri ta, Nehelaamee asho Shemayaahinaa bi gumbeenaꞌonon naxemmo taane; ta asheenaꞌoyich ta tuniyemmi gaawe mooyon beeggemmi asho bi gumboochee hini asheenaꞌo daggooch ikkolla daneyaachemmone; ebiyoo Doono Yeeri ta toommooch hukkoon bi yibbaatetoyichiye’ itone gete” iye.

Hiziqeeli 13:16

Boonoshiyoo Yerusaalemichon keemoon keemmiti, diggoo aalloon diggee yaaꞌoon beeggiti Israꞌeelee keemechinaꞌone, iye Nuggishoo Doono Yeeri’ gete” iye.

Hiziqeeli 13:22

Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine.

Hiziqeeli 22:25

Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Daaneeli 11:34

Boonoshiyoo qitibee giisheche gaachoon danemminaꞌone. Dawushechi meeti asheenaꞌo boonoshina tookki ikkottemminaꞌone.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

Maatiyoosi 10:17

Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 16:11

‘Fariseenaꞌonaa Saduuqeenaꞌonochi bukee shittoochee ittoshi qelloon quyebote’ iyaꞌa ta getteto kochichon toonoone. Ebin aabichiꞌi shalligaachote?” iye.

Maatiyoosi 16:6

Yesuusi boonoshin “Fariseenaꞌonaa Saduuqeenaꞌonochi bukee shittoochee ittoshi qelloon quyebote” iye.

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 6:26

Asho bulli ittoshin gaawichiꞌi yibbaatetinaꞌote, boonoshi qaabbechinaꞌo ebiyoommon koote keemechinaꞌon gaawichiꞌi yibbaatetinaꞌone. Ebich ittoshich woowo!” iye.

Yowannisi 10:12

Tunebaani gijjoon deqqiꞌi qiddeebeeto biicho tuneti bagee qiddoo tuno bi qajjitoyich, okeroo waataa bi beegigaata bageenaꞌon dufiichi woccemmone; arooba okeroo bageenaꞌon yechemmone; boonoshinoo shaccemmone.

Mishiraachechinaꞌo 13:40

Ebich keemechinaꞌona ishichaa getteeto ittoshi toommooch bi shagaachemmoyich ittoshi qelloon quyebote:

Mishiraachechinaꞌo 13:6

Ebiyee gubb, Qoophiroosee showoo bullin guuddii, Phaafi katemooch shaggiꞌi, Bariyaasi getteebeeti Ayihudee allaamoon daneheete; aroo koote keemechone.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

2 Pheexiroosi 3:17

Illa ta shunechinaꞌote! Ebin shiichiꞌi ariito ittoshine; ebich ittoshi qelloona ebi are hukkechinaꞌochi muricoon dabbiree Yeeri toommooch beeti ittoshi mullee tooꞌiyee manjoochee ittoshi dihaachemmoyich, ittoshi qelloon ariibote!

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 16:13

Dareboochi kookkoonaa cooxochi kookkoonoochee, koote keemechochi kookkoocheenoo woqqeqqeenaꞌon shaahiibeeti keejje yinneenaꞌo kechii beetaa beeggeho.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.