Maatiyoosi 7:13 - Kafa Linguistics Project

¹³ Yesuusi daakkiꞌi ishichiye: “Xebbe kelloona gibote; aallooch daammiibeeti kello gamino, gommoo naqqoone; are kelloona giyiibeeti asheenaꞌo meetinaꞌone.

Maatiyoosi 7:13 ပူးပေါင်းရင်းမြစ်များ

Halloo 6:12

Yeeriyoo showoon ciinniꞌi, ebiyoche showoo duubeton, showee toommo bulliich beeti asho bulliyoo bi qocoo oogeton gondeton, beeggiye.

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Shaahiyoo 16:25

Ashich kaamoo shaahiibeeti boocho beete; tunebaani ciiroochaa qitooch daammii beetone.

Shaahiyoo 7:27

Bi kexo maash daammiibeeti boochoone; qite asheenaꞌo beeti gatooch kindii beetone.

Shaahiyoo 9:6

Tuushoo tunoon qayote; kashoonoo beebote; shalligee gommonoo hambote” iyan.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 3:8

Illa axaaxee gommoochee Yeer waan ittoshi wottoon bekkiibeeti shuunoon shuunebote.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Luqaasi 14:33

Illa ebiyoommon ittoshi daggoochee koniyoona biich beeto bullin bi qayaan gaata, taan dabboon hakkaache” iye.

Luqaasi 9:33

Are gutte asheenaꞌo Yesuus waanee boonoshi hammimmona, Pheexiroosi tiyiꞌi Yesuusin “Ta Doonocho, hiniich beemo nooch gaawiye. Ebich keejje bashoon, ikkoon neech, ikkoon Muusich, ikkoonoo wotta Eliyaasich bashibone” iye. Tunebaani ama bi ii beeto gaata ariyaanoone.

Yowannisi 10:9

Kello taane. Taanna giyimmo koniyoona wodemmone; giyemmone, kechemmone, bi maayemmonoo danemmone.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 20:3

Oppee hoonoochoo duppiye; hume nato ceennimmi wottoon aageteenaꞌon bi muricciyaachemmoyich, oppee hoonee kelloon hicciꞌi maatemoon geddiye; hume nato ceennitoyee gubb giisheche wottoyich baach biicheyemmone.