Maatiyoosi 6:34 - Kafa Linguistics Project

³⁴ Illa, yaach ittoshi toommooch woyemmi xuuxoyich yaach xuuxemmo ittoshine; ebich yaachich xuuxeyaahote. Hanaachi xuuxo hanaachich beddiye” iye.

Maatiyoosi 6:34 ပူးပေါင်းရင်းမြစ်များ

Shoosho 3:23

Bi ariqqo bi shoodoo maaddi maaddoona andiree beetone; Doono Yeeri oogichii gibeneetone.

Maatiyoosi 6:11

Heeyi koshon hanaach nooch imbe.

Maatiyoosi 6:25

“Ebich ittoshich gettoye; ‘Amoon maayehone? Amoon uchehone? Amoon tahehone?’ getiree ittoshich qaawiibeeti mooyoyich xuuxeyaahote. Kasho maayoyee, ashittinoo tahoyee beshaache?

Maatiyoosi 6:27

Ittoshi daggoochee xuuxeree bi neexooch ikke hiroon daakkoon hakkemmo konine?

Luqaasi 10:41

Doono Yesuusi wochiꞌi, “Maaritte, Maaritte! Meeti mooyona ne mulloon xuuxiihine; iriteenoo iyine.

Luqaasi 11:3

Heeyi koshon qemi qemona nooch imbe!

Luqaasi 12:11

“Ittoshin Ayihudeenaꞌo kiceebeeti kechi nallechinaꞌo, showee iraasheenaꞌonaa ukkireenaꞌona waan boonoshi geechiyooba, arooba ittoshi gettemmi mooyon Yaafe Ayaano ittoshich arichiyemmo bi tunetoyich ‘Aabichiree woyee ama getiree wochehone?’ woyee ‘Ama gettehone?’ getiree xuuxeyaahote” iye.

Luqaasi 12:22

Ebichi hillooch Yesuusi bi dabbeenaꞌoyich ishichiye, “Ebich ittoshich gettoye: ‘Amoon maayehone?’ getiree ittoshi kashoyich woyee ‘Amoon tahehone?’ getiree ittoshi ashittinoyich qaawiibeeti mooyoyich xuuxeyaahote.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yibbaatoo 33:25

Bi uxeree kellee tuggo xuuroonaa gooshoona tunebe; bi yemeeno bullinoo diggoona beebe” iye.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

1 Pheexiroosi 5:7

Biyoo ittoshich gabiibeeto bi tunetoyich, ittoshin iritiibeeti mooyo bullin bi toommooch dufote.