25 “Ebich ittoshich gettoye; ‘Amoon maayehone? Amoon uchehone? Amoon tahehone?’ getiree ittoshich qaawiibeeti mooyoyich xuuxeyaahote. Kasho maayoyee, ashittinoo tahoyee beshaache?
Neen maggeti mooyon Doono Yeeri toommooch dufe; bi neen deggemmone; bi, cadiqe asho dihemmoyich tuniyaachemmone.
Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.
Asheenaꞌo ittoshin beshii imiyooba ‘Aabichiree gettehone?’ woyee ‘Ama gettehone?’ getiree xuuxeyaahote; areegaata ittoshi gettemmon Yeeri ittoshich immemmone.
Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.
Ebich ‘Amoon maayehone? Amoon uchehone? Amoon tahehone?’ getiree xuuxeyaahote.
Illa, yaach ittoshi toommooch woyemmi xuuxoyich yaach xuuxemmo ittoshine; ebich yaachich xuuxeyaahote. Hanaachi xuuxo hanaachich beddiye” iye.
Wotta asheenaꞌo ittoshin beshii imiyooba, ‘Ama gettehone?’ getiree shiichi iriteyaahote. Tunebaani areegaata Yeeri ittoshich immimmi mooyon getote. Gettemmo Yaafe Ayaanoani ittoshi toonoone.
hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.
“Ittoshin Ayihudeenaꞌo kiceebeeti kechi nallechinaꞌo, showee iraasheenaꞌonaa ukkireenaꞌona waan boonoshi geechiyooba, arooba ittoshi gettemmi mooyon Yaafe Ayaano ittoshich arichiyemmo bi tunetoyich ‘Aabichiree woyee ama getiree wochehone?’ woyee ‘Ama gettehone?’ getiree xuuxeyaahote” iye.
Angichi xuppo beeti showooch holliti yaroomminaꞌo geto, Yeerichi qaaroon boonoshi waayetoyee gubb, beemi gaboo, gaannoonaa mashaamiti beemona kechii bi maatoyich, kashaalli taxxe aafoommi asheenaꞌo getone.
Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.
Tunebaani ta shunnaabeeto, ikke mooyonona gaabbaanoon ittoshi beeyemmoyichiye. Shaagaani kittinnoo Doonon emirikkoyich, Doono Yesuusichi mooyon gabiye.
Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.
Koyooch ceegaa hammiibeeti asho bulli ginee iraashoon emirikkoyich gabiyalli, bare shuunooch giyiꞌi xandeyaache.
Biyoo ittoshich gabiibeeto bi tunetoyich, ittoshin iritiibeeti mooyo bullin bi toommooch dufote.