Maatiyoosi 6:2 - Kafa Linguistics Project

² “Ebich iriteeti ashich ne immaa beegaata, boonoshi maacoon xalloo shaahii beetinaꞌon shaahiyaahine. Boonoshiyoo ashi waanee galletee danoyich Ayihudeenaꞌo kiceebeeti kexonaa gommonoochaa iriteetinaꞌoyich immii beetinaꞌone. Iberoon ittoshich gettoye: Areenaꞌo ashi waanee galletoon danetinaꞌone; Yeer waanee amoonolla daneyaachemminaꞌone.

Maatiyoosi 6:2 ပူးပေါင်းရင်းမြစ်များ

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 37:21

Gonde asho eretteechii qocaache; tunebaani cadiqo kishoon maggiiꞌi wojjiye.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Shaahiyoo 20:6

Meeti asheenaꞌo shoodechinaꞌo boonoshi tunoon yibbaateheete; tunebaani ebiyoommi gibeneeti ashoon koni danoon hakkehe?

Dojjecho 11:2

Showee toommooch gonde mooyo amo tunemmo gaata, ariyaano ne tunetoyich, ne gijjoon shabaatte beera woyee shimitte beera qoodibe!

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 58:7

Ittoshi maayoon shaacetinaꞌona tookki ittoshi qoodeyemmoyich, kechaalli girechinaꞌon ittoshi kexooch ittoshi deebemmoyich, tubbeton ittoshi beegiyooba ittoshi tajjemmoyich, ittoshi meechi xibeenaꞌoyich ittoshi aasheyaachemmoyich toone?

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Maatiyoosi 15:7

Hini ittoshi maacoon xalloo shaahii beetinaꞌote! Isiyaasi ittoshichon ishichitone: ‘Hini asheenaꞌo boonoshi noonoona taan oogii beetinaꞌone; tunetaa boonoshi mullo ta waanee oogeton wohone; ashi doyoon Yeerichi qaaro tuniiꞌi dojjiibee, duuboon taach goyinneheete’ iꞌi bi keemmito iberooniye” iye.

Maatiyoosi 16:3

haree maaddoona ‘Shimaayoo ceellee qubetone; hanaach amiyo dihemmone’ iyote. Shimaayoon ciinniꞌi tunemmi mooyon ariyoon hakkiyote; tunebaani yemeenee malletoon beeggiꞌi tunemmi mooyon ariyoon hakkaachote?

Maatiyoosi 22:18

Yesuusiyoo boonoshi gonde gaboon ariiꞌi, “Hini ittoshi maacoon xalloo shaahii beetinaꞌote, amoyich taan muriciiya qaawii beetote?

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Maatiyoosi 23:6

gifiree kexoochaa oogee xaaꞌoon, Ayihudeenaꞌo kiceebeeti kexoochaa genje gabberoon,

Maatiyoosi 24:51

Biin yeshiree gutte beera gaakkemmone; bi ixoonoo kaamoo shaahiibeeti xummeenaꞌochi ixooch haddemmone. Aroochaa eefonaa gashee qaayona tunemmone” iye.

Maatiyoosi 5:18

Iberoon ittoshich gettoye: Showoonaa shimaayoona beshemmi wottoon Muusichi Sheeroo bulli ceenaanoon nappeyoommi mooyiyolla showooch hollaachemmine.

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:3

Tunetaa iriteeti ashich ne immaa beegaata, ne katinooch beeti asholla beeggaaye.

Maatiyoosi 6:5

“Ittoshi corootii beegaata, boonoshi maacoon xalloo shaahiibeeti asheenaꞌochoommon tuneyaahote. Boonoshiyoo ‘Asheenaꞌo noon beegeete’ iꞌi Ayihudeenaꞌo kiceebeeti kexonaa gommi keejje kaattoonooch neexeechii corootoon shunnii beetinaꞌone. Iberoon ittoshich gettoye: Areenaꞌo boonoshi shuunoon deqqitinaꞌone.

Maatiyoosi 7:5

Hini ne maacoon xalloo shaahiibeeti uroocho, shiichiree ne aafeexi xuggoon kichibe. Ebiyee gubb ne manoo aafeexi guudeen kichoyich manjiiree ciinnemmo neene.

Maariqoosi 7:6

Biyoo wochiꞌi ishichiye: “Isiyaasi hini maacoon xalloo shaahiibeeti ittoshichon, ‘Hini asheenaꞌo boonoshi noonoona taan oogii beetinaꞌone; tunetaa boonoshi mullo ta waanee oogeton wohone. Ashi doyoon Yeerichi qaaro tuniiꞌi dojjiibee, duuboon taach goyinneheete’ iꞌi bi kooritoommon bi keemmito iberooniye.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 11:43

“Hini Fariseenaꞌote, Ayihudeenaꞌo kiceebeeti kexoochaa genje gabberoon, wotta gabiyee godoochaa ‘Showooch qebona’ ii beeti diggiyoon ittoshi shunnii beetoyich ittoshich woowo! Asho ariyaanoon bi toommona shaꞌeebeeti, uxeraalli maashoon ittoshi shaahii beetoyich, ittoshich woowo!” iye.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 12:56

Hini ittoshi maacoon xalloo shaahiibeeti asheenaꞌote! Showoonaa shimaayoonon aafoona ciinniꞌi xiishoon arii beehote; tunebaani hini yemeenoon ittoshi xiishoo qajjiibeeto amoyichiye?” iye.

Luqaasi 13:15

Arooba Doono Yesuusi tiyiꞌi, “Hini ittoshi maacoon xalloo shaahiibeeti asheenaꞌote! Ittoshi daggoochee shambetooba bi gattoon woyee bi kuroon bi tippetoochee biichiꞌi aaco uchiya daamaano konine?

Luqaasi 20:46

“Genje tahoon taheꞌi guudon qaawiibeeti Muusichi Sheeree dojjechinaꞌoyee ittoshi qelloon quyebote! Gabiyee godoochaa ‘Showooch qebona’ ii beeti diggiyoon, Ayihudeenaꞌo kiceebeeti kexoochaa genje gabberoon, gifiree kexoochaanoo oogee xaaꞌoon qaawii beetinaꞌone.

Luqaasi 6:24

Wotta hini gaannechinaꞌote, and emiroon daneto ittoshi tunetoyich, ittoshich woowo!

Luqaasi 6:42

Wotta ne aafooch giyiti xuggoon ciinaanoon, aabichiree ne manoon ‘Ta manoocho, eke ne aafeexi guudeen kichibona’ geton hakkenne? Hini ne maacoon xalloo shaahiibeeti uroocho, shiichiree ne aafeexi xuggoon kichibe. Ebiyee gubb ne manoo aafeexi guudeen kichoyich manjiiree ciinnemmo neene” iye.

Yowannisi 13:29

Yihudi koolla yesho bi tunetoyich, ikkikkeenaꞌo Yesuusi “Baaroyich qaawiimmon kemebe” woyee “Girechinaꞌoyich ikke mooyon imbe” ito boonoshich shaahiye.

Yowannisi 5:41

“Ta, ta qelloona asho taan bi oogiyemmoyich qaawaache.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Yowannisi 7:18

Bi qellee gaboona gettiibeeto, ashi waanee oogoon qaawiibeeti ashoone; tunetaa biin wocheton oogiiya qaawiibeeto, aroo ibere moochechone; xummittino bi mullooch aalloone.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

Mishiraachechinaꞌo 11:29

Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.

Mishiraachechinaꞌo 24:17

“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye.

Mishiraachechinaꞌo 9:36

Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.

Roomi 12:8

Ciico bi tunegaata, ciicona kupphebone; imo bi tunegaata, mulloochee tiijjiree imbone. Kittinneenaꞌon yaabiibeeti asho bi tunegaata, kuppheree yaabibe; bareenaꞌoyich ariqqeebeeto bi tunegaata, emiribee deꞌittinoon bekkiibe.

1 Qorontoosi 13:3

Taach beeto bullin qoodaꞌa girechinaꞌoyich ta immetaa, “Ta ashittino mice” iyaꞌa qaaqqooch giyaa ta miccetaa, shuno taach aallegaata, taach bi hallemmo amolla aalloone.

Galaati 2:10

Boonoshiyoo girechinaꞌon baach no batteyaachemmoyich aderaheete. Ebinoo tuniyoyich qaawaa beehoye.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

1 Tasaloonqi 2:6

Kiristoosichi mishiraachecho no tunetoyich, baribare mooyon ittoshi tuniyemmoyich echo nooch hakkee beetone; tunebaani ittoshi waanee tuneba bareenaꞌo waanee tuneba koni waaneenona oogoon qaawaano noone; indee bi hajjee bushoon bi shiimoommon, no wotta ittoshi daggooch no beehooba ittoshin shiimehone.

1 Ximootiyoosi 6:18

Gaawe shuunoon shuunebee, deꞌe shuunee gaannechon tunebote. Ittoshich beetoochee qoodoyich qannibote; kishoon maggiiree imbote.

Filimooni 1:7

Ta manoocho, yaafeenaꞌo mulloon ne kashiitoyich, ebi ne shunoona oogichaa emirito taane; oogetonoo goggeto taane.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Saameeli 15:30

Saaꞌooliyoo wochiꞌi, “Axaaxoon shuuneto taane. Tunebaani ta asheenaꞌochi ukkireenaꞌonaa Israꞌeeleenaꞌo bullinochi aafooch taan oogiibe; ne Nuggishoo Doono Yeerich ta goyinnemmoyich taanna tookki wottebe” iye.