Maatiyoosi 6:19 - Kafa Linguistics Project

¹⁹ Daakkiꞌi Yesuusi ishichiye: “Piloonaa osheroona aalliyemmi, gaayeenaꞌo iiyiree gaajjemmi showee toommooch ittoshi gijjoon kiciyaahote.

Maatiyoosi 6:19 ပူးပေါင်းရင်းမြစ်များ

Iyoobi 24:16

Gaayeenaꞌo xumoona ashi kexon iijjii giyiyeete; areddoon kexon hiccii aashee heechiyeete; bekkoon beeggii ariyaaneenaꞌone.

Iyoobi 31:24

“Aachee toommooch ta mulloon tooꞌiyaano taane; xalle aachoonoo gibeneyaano taane;

Shoddo 39:6

asho yiirittoommone; bi aajjiibeeto duubooniye; konich bi tunemmo gaata, ariyaanoon gaannoon kiciye.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Keyo 22:2

“Gaayo bi gaajjiton qoce; tunebaani bi qoccemmo amolla bi kishooch aallegaata, bi gaajjiton qocoyich are gaayo bi qelloona kechebe. Ebi bi gaajjiti gijjoo, gattoo woyee kuro woyee bago woyee emmisho kashoona bi kishoochee bi danegaata, gutte kishoon tuniiree qoce. “Ikke gaayo ashi kexon iijjiibee yecheꞌi yexaa bi qitigaata, ebin tuniito ebi gaayoochi kashoyich echeyaachemmone; tunebaani harii aabo kechiichaa ebi mooyo tunegaata, uro ashi kashee kichoona echeyemmone.

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Shaahiyoo 16:16

Aachoon danoyee shalligoon dano beshiye; birewoon danoyee goommii deꞌon dano gaawiye.

Dojjecho 2:26

Biin emirikkiibeeti ashoyich Yeeri shalligoon, ariyoonaa emiroonon immiye; tunebaani Yeeri biin shattii beetoyich bi immemmoyich, aajjiꞌi gaannoon kicoon axaaxechoyich immiye; ebiyoo duubo, yongoon yookkii dabboommone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Maatiyoosi 19:21

Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Maatiyoosi 6:20

Tunebaani piloonaa osheroona aalliyaachemmooch, gaayeenaꞌo iiyiree gaayaachemmi shimaajji kexooch ittoshi gijjoon kicibote.

Luqaasi 12:21

“Bi qellich gijjoon kiciichii Yeeri aafoochaa girecho tuneti asho ebiyoommone” iye.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 12:39

Tunebaani ebin ariibote: Kechi doono gaayo woyemmi saatoon bi ariimmo gaata, bi kexon gaayoona iichiyaacheshone.

Luqaasi 18:22

Yesuusi ebin waayeꞌi, “Batt ikke mooyo neech shappitone: Hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 18:24

Yesuusiyoo oogichii bi ayinoon beeggiꞌi, “Gaannechinaꞌoyich Yeerichi taatittineech gimo am shaahe maggoone!

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.