Maatiyoosi 6:16 - Kafa Linguistics Project

¹⁶ Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:16 ပူးပေါင်းရင်းမြစ်များ

2 Saameeli 12:16

Bushoo wodemmoyich Daawiti Yeer waan corootiye; coomiinoo iye. Bi qeyi kexooch giyiꞌi godooch qeyii beehe.

2 Saameeli 12:21

Bi aafee bushiisheenaꞌo biin, “Ebi ne tuniyaabeeti mooyo amoone? Bushoo kashoona beetaa coomihin; eeppehin. Tunebaani bushoo qitimmona, tiyaꞌa maayoon maahine” iyeete.

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Shoddo 109:24

Ta guteneenaꞌo coomoona nireheete; ta meeno dalliye.

Shoddo 35:13

Tunebaani ta, boonoshi biiyehooba dookoon tahehoye; coomoona ta ashittinoon niriihoye; ta corooto waayemmon mucceꞌi ta waan wottehe.

Shoddo 69:10

Coomoona kasho shaddeehoye; ebichoo naakkeehoye.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Milikiyaasi 3:14

“Ta toommooch ittoshi yibbaateto, ‘Doono Yeerich maddoo gaacaalloone; bi getoon waayo woyee no axaaxoyich Beshe Mawe Doono Yeeri aafooch muusheneꞌi shaꞌo amoon nooch gaaccehe?

Maatiyoosi 6:1

“Yeerich ittoshi shuuneebeeti deꞌe shuunoon ashi beꞌenoyich ittoshi shuuneyaachemmoyich, ittoshi qelloon ariibote! Shimaayooch beeti ittoshi Nihoo Yeer waanee wojjoon cir daneyaachemmo ittoshine.

Maatiyoosi 6:2

“Ebich iriteeti ashich ne immaa beegaata, boonoshi maacoon xalloo shaahii beetinaꞌon shaahiyaahine. Boonoshiyoo ashi waanee galletee danoyich Ayihudeenaꞌo kiceebeeti kexonaa gommonoochaa iriteetinaꞌoyich immii beetinaꞌone. Iberoon ittoshich gettoye: Areenaꞌo ashi waanee galletoon danetinaꞌone; Yeer waanee amoonolla daneyaachemminaꞌone.

Maatiyoosi 6:5

“Ittoshi corootii beegaata, boonoshi maacoon xalloo shaahiibeeti asheenaꞌochoommon tuneyaahote. Boonoshiyoo ‘Asheenaꞌo noon beegeete’ iꞌi Ayihudeenaꞌo kiceebeeti kexonaa gommi keejje kaattoonooch neexeechii corootoon shunnii beetinaꞌone. Iberoon ittoshich gettoye: Areenaꞌo boonoshi shuunoon deqqitinaꞌone.

Maariqoosi 2:18

Arooba Yowannisi dabbeenaꞌonaa Fariseenaꞌona coomii beeheete. Asheenaꞌo waaꞌi Yesuusin “Yowannisi dabbeenaꞌonaa Fariseenaꞌochi dabbeenaꞌona coomii beetaa, ne dabbeenaꞌo amoyich coomaacheete?” iꞌi echeheete.

Luqaasi 18:12

Shabaattee daggooch gutte wottoon coomaabeeto taane; ta danaabeeto bulliichee asraatoon neech kichaabeeto taane’ iꞌi corootiye.

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 14:23

Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete.

1 Qorontoosi 7:5

“Giisheche aabee wottoon corootibone” ii echeeꞌi ittoshi tuniiti aaboyee besh, ittoshinaa ittoshina woonneyaahote. Qellee hakkee qayona Sheexaanoo ittoshin bi dachaachemmoyich, wochinnoon ikkottebote.

2 Qorontoosi 11:27

Wodde aayonaa yulloona, wodde wottoon tokketee muccoona, shaacoona, shachewoona, beeho; abete kashoona qeyaa heecheto taane; ta tahemmo aalletaa wodde wottoon aqqoo taan wuxitone.

2 Qorontoosi 6:5

Yexxeto noone; cucheto noone; dofee asheenaꞌo no toommooch caagee boonoshi tiyaa iriteeto noone; shuunoona maraateto noone; tokketoon mucceto noone; shaaceto noone.