Maatiyoosi 6:13 - Kafa Linguistics Project

¹³ Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Maatiyoosi 6:13 ပူးပေါင်းရင်းမြစ်များ

Halloo 22:1

Ebi mooyinaꞌo tunetoyee gubb, Yeeri Abrahamin biich deꞌa bi getonaa getti bi qayonon beegga qaawiye. Ebich “Abrahamo!” ii ceeggiye. Abrahamiyoo eekkehe.

1 Taateenaꞌo 1:36

Yoyaadi bushoo Beenayi taatoyich ishichiye: “Ameena; taatoo ta doono ne Nuggishoo Doono Yeeri tunebe gete.

1 Kiinoo 16:36

Bulli yemeenoochee bulli yemeenooch, Israꞌeelee Nuggishoo Doono Yeeri diireebe. Asheenaꞌo bulliyoo, “Ameena” iyeete; Doono Yeerinoo galleteheete.

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

1 Kiinoo 4:10

Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.

Shoddo 10:16

Doono Yeeri bulli yemeenoochee bulli yemeenooch Taatoone; aageteenaꞌo bi showoochee aallemminaꞌone.

Shoddo 106:48

Bulli yemeenoochee bulli yemeenooch, Israꞌeelee Nuggishoo Doono Yeeri diireebe! Asheenaꞌo bulliyoo, “Ameena” geteete. Doono Yeeri galleteebe!

Shoddo 22:28

Ebiyoo taatittino Doono Yeericho bi tunetoyich, aageteenaꞌonoo qeejjiibeeto bi, tunetoyichiye.

Shoddo 41:13

Bulli aaboochee bulli aabooch, Israꞌeelee Nuggishoo Doono Yeeri diireebe! Ameena, ameena.

Shoddo 47:2

Ebiyoo showoo bulli toommooch oogoo tuneti Taatoo, Beshe Nuggishoo Doono Yeeri shatteeto bi tunetoyichiye.

Shoddo 47:7

Yeeri showoo bulliich Taatoo bi tunetoyich, shoddoona biin galletebote.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Shoddo 89:52

Doono Yeeri bulli yemeenoon diireebe! Ameena, ameena.

Keyo 15:18

Doono Yeeri bulli yemeenoon taatemmone” iyeete.

Shaahiyoo 30:8

Koote mooyonaa koote yibbaatoonon ta waanee wokkiibe; girechon woyee gaannechon taan tuniyaahine; tunebaani taach qaawiibeeti maayoon taach imbe.

Erimiyaasi 15:21

Gondeenaꞌo kishoochee neen wodiyemmo taane; maacmanjeenaꞌo kishoochee neen biishemmo taane” iye.

Erimiyaasi 28:6

“Ameena, Doono Yeeri ebin tuniibe; Doono Yeerichi yaafee kechi qiicoonaa keco bullinon Baabloonee showoochee hini xaaꞌooch wochoona, Doono Yeeri ne keemmeti keemoon ceechibe.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 7:18

Boonoshiyee gubb Beshoo Yeerichi yaafeenaꞌo ebi taatittinoon deqqemminaꞌone; ebi taatittinoon bulli yemeenoochee bulli yemeenooch beddaahaa yechemminaꞌone” iye.

Haddoo 5:22

Ufon deebiibeeti ebi aaco ne maacooch giyiree, ne maacoon nafii ne maache achoonoo taxxiibe” gete. “ ‘Ureyoo “Ameena, ameena” getuye.

Maatiyoosi 26:41

Gondoochi nihoo dawushooch ittoshi giyaachemmoyich, kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Maatiyoosi 5:37

Tunebaani tunemmon tunebe, tuneyaachemmon tuneyaache gete. Ebiyee baroon ne yibbaategaata, aroo gondoochi nihoo waaneeniye” iye.

Maatiyoosi 6:10

Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Yowannisi 17:15

Gondoochi nihoo kishoochee boonoshin ne quyemmoyichalli, alemoochee boonoshin ne kichemmoyich neen qolleyaache.

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

2 Qorontoosi 1:20

Yeeri nooch gibenikkiti gibeno bulli Kiristoosinane eeha bi getteeto; ebichiye Yeerichi oogee yiiroyich Kiristoosina ameena no ii beeto.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Yibbaatoo 8:16

Ne qaabbechinaꞌo maa ariyaani mannoon barahoochaa neech maanjiye. Ciiroochaa gaawe mooyona neen diiriya, iritoon ne toommooch deebiꞌi neen phirehe.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

2 Tasaloonqi 3:3

No Doono gibeneetone; biyoo ittoshin kupphiyemmone; gondoochi nihoo kishoocheenoo ittoshin quyemmone.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 19:1

Aroyee gubb dofee ashi qaaroommi ooge qaaro shimaayoochaa ishichii bi beetaa waayeho: “Haleluya! Wodiyoo, oogee yiiroonaa giidoona no Nuggishoochone.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 5:13

Shimaayooch, showoochoo, showee dechoo, baharee toommoochoo beeti halleenaꞌo bulli, boonoshi daggoochoo beeti halleenaꞌo bulli “Taatee qeenooch kotetonaa Bagoonoyich galleto, oogo, oogee yiiroonaa giidoona bulli yemeenoon tunebe” boonoshi ii beetaa waayeho.