Maatiyoosi 6:12 - Kafa Linguistics Project

¹² No wotta noon xuqqitinaꞌon no maaroommon, no gondoon nooch maaribe.

Maatiyoosi 6:12 ပူးပေါင်းရင်းမြစ်များ

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:34

shimaayooch beechi waayebe; ne asheenaꞌo tuneti Israꞌeeleenaꞌochi axaaxoon maaribe; boonoshi qaabbechinaꞌoyich ne immeti showooch wochiree, boonoshin giijjibe.

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Taateenaꞌo 8:50

Ne toommooch boonoshi shuuneti axaaxoyich, neen boonoshi xuqqiti xuꞌoyichoo ne asheenaꞌon maaribe; boonoshin keccitinaꞌo boonoshich ariqqemmoyich tuniibe.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 32:1

Bi xuꞌo echeti, bi axaaxoo oppeeti asho diireetone.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Daaneeli 9:19

Ta Doonocho, no qolloon waayebe! Ta Doonocho, noon maaribe! Ta Doonocho, no qolloon elle waayeree tuniibe! Ne shigo ne katemoonaa ne asheenaꞌonochi toommoochaa ceekketone. Ta Nuggishoocho, ne shigoyicha getiree yagiyaahine” iyo.

Maatiyoosi 26:28

ebi meetinaꞌochi axaaxoon maaroyich ufemmi ta damoo Yeeri neechemmi wogee malletoone.

Maatiyoosi 9:2

Arooba bi ashittino qititi ikke uroon shaaꞌoona shaaggiꞌi bi waan deebiyeete. Yesuusiyoo bi toommooch mulloon boonoshi tooꞌiyoon beeggiꞌi, bi ashittino qititi uroon “Ta bushoochoo, kupphebe; ne axaaxoo maareetone” iye.

Maariqoosi 11:25

Wotta corootiya ittoshi neexehooba, shimaayooch beeti ittoshi Nihoo ittoshi axaaxoon bi maaremmoyich, ittoshi shuuteti asho bullin maaribote.

Luqaasi 11:4

No wotta noon xuqqitinaꞌo bullin no maarii beetoyich, no gondoon nooch maaribe! Gondoochi nihoo dachooch noon geddaahine’ ” iꞌi gettiye.

Luqaasi 13:4

Wotta Silohami kote aachi gaꞌooch hakketi ooge xaqqee dilaaloo shekireꞌi wuxiti aaraa shimitte asheenaꞌo Yerusaalem beeti bare asheenaꞌo bulliyee beshe gondoon shuunetinaꞌo ittoshich shaahii beeteete?

Luqaasi 6:37

“Ashi gondoon hadiyaahote; Yeeri ittoshi gondoon haddaachemmone. Ashi toommooch nalliyaahote; Yeeri ittoshi toommooch nallaachemmone. Ashi xuꞌoon maaribote; Yeeri ittoshi xuꞌoon maaremmone.

Mishiraachechinaꞌo 13:38

“Illa ta maneenaꞌote! Ittoshi axaaxoyich maaroon ittoshi danemmo Yesuusina tuno ittoshich bi getteyoon ariibote.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Qolaasiyaasi 3:13

Ittoshinaa ittoshina ikkoochi mooyon baroo haaꞌiibe; koniyoona bi manoo toommooch bi qoonniti mooyo beegaata, maaribote. Doono ittoshin bi maaritoommon ittoshiyoo wotta ebiyoommon maaribote.