Maatiyoosi 6:1 - Kafa Linguistics Project

¹ “Yeerich ittoshi shuuneebeeti deꞌe shuunoon ashi beꞌenoyich ittoshi shuuneyaachemmoyich, ittoshi qelloon ariibote! Shimaayooch beeti ittoshi Nihoo Yeer waanee wojjoon cir daneyaachemmo ittoshine.

Maatiyoosi 6:1 ပူးပေါင်းရင်းမြစ်များ

2 Taateenaꞌo 10:16

“Taanna tookki waaree, Doono Yeerich qanaateto ta tunoon beege” iye. Ebina gaarin bi gashetaa, Shamaara hammiyeete.

2 Taateenaꞌo 10:31

Tunebaani Yehi Israꞌeelee Nuggishoo Doono Yeerichi sheeroon bi ceeni mulloona aaxxiiꞌi quyeyaanoone; Israꞌeeleenaꞌon axaaxoo shuuniiti, Yeroboꞌamichi axaaxoocheenoo wohaanoone.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

Zakaariyaasi 7:5

“Showee asho bullinaa qeesheenaꞌonoyich ishichibe: ‘Besheti shabe natinaꞌooch, uuchinnee agenoonaa shabaattinnee agenoonooch ittoshi coomitonaa ittoshi eeppitona iberoochaa taachiye?

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:6

Yesuusi boonoshin “Fariseenaꞌonaa Saduuqeenaꞌonochi bukee shittoochee ittoshi qelloon quyebote” iye.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Maatiyoosi 5:46

Ittoshin shunnii beetinaꞌon baach ittoshi shunigaata, Yeer waanee amee wojjoon danehote? Gabiyee guudeenaꞌo ebin tuniyaacheete?

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Maariqoosi 8:15

Yesuusi boonoshin, “Fariseenaꞌonaa Heroodisinochi bukee shittoochee ittoshi qelloon quyebote” iye.

Luqaasi 11:35

Illa ne waan beeti ashittinee ceechoo bi tahaachemmoyich, ne qelloon quyebe!

Luqaasi 12:1

Arooba meeti hume asheenaꞌo ikkooch kiceeꞌi xuꞌeebee baatoona boonoshinaa boonoshina ariyaanoon neexee beetaa, Yesuusi shiichii bi dabbeenaꞌoyich ishichiꞌi getooch giyiye: “Fariseenaꞌochi bukee shittoochee ittoshi qelloon quyebote. Ebiyoo maacoon xalloo shaahiyoocheeniye.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Yowannisi 12:43

Ebiyoo Yeeri boonoshin oogiyoyee beshoon asho boonoshin oogiyemmoyich boonoshi qaawitoyichiye.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Mishiraachechinaꞌo 3:12

Pheexiroosiyoo ebin ciinniꞌi asheenaꞌoyich ishichiye: “Hini Israꞌeeleenaꞌote, amoyichiye ebi mooyona ittoshi worganeebeeto? Aakkiyane hini uroon woyee noon ooge mooyo tuniiꞌi ittoshi manjii ciinniibeeto? Hini uro no hajjee giidoona woyee no deꞌe shuunoona shaꞌeto ittoshich shaahii beete?

Galaati 6:12

Boonoshi meenona gaaweton tuneree bekkeya qaawii beetinaꞌo dokireebote iꞌi ittoshin yullii beetinaꞌone. Ebin boonoshi tuniibeeto, Kiristoosichi masqalee naboona duꞌo boonoshi toommooch bi shagaachemmoyichiye.

Yibbaatoo 24:13

Ebi tahoon tahe bi qeyemmoyich, xumi xumoon biich wochibe. Ebina neen galletemmone; ne Nuggishoo Doono Yeeri aafoochaanoo cadiqee shuunoo tuneree neech haddeyemmone.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

2 Yowannisi 1:8

Illa Yeeri ittoshich bi qanniiti wojjoo bullin ittoshi deqqemmoyichalli, aayiree ittoshi mucceyaachemmoyich ittoshi qelloon quyebote!