Maatiyoosi 5:9 - Kafa Linguistics Project

⁹ Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Maatiyoosi 5:9 ပူးပေါင်းရင်းမြစ်များ

1 Kiinoo 12:17

Daawitiyoo boonoshina daneya hammiꞌi, boonoshich ishichiye: “Ittoshi waato taan gaacheya diggoyich bi tunegaata, ta mulloon ittoshich immemmo taane. Tunebaani ta etteenaꞌoyich beshiiꞌi taan imoyich waato ittoshi tunegaata, xuꞌo ta kishooch aallo bi tunetoyich, no qaabbechinaꞌochi Nuggishoo ciine; ittoshi toommoochoo nallibe” iye.

Shoddo 120:6

Diggoon shixxii beetinaꞌo daggooch meeti aaboon kotee yagito taane.

Shoddo 34:12

Kashee genjoon qaatiibeeto, meeti yemeenoon beeꞌi gaawe mooyon beegon, qaawiibeeto, konine?

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Luqaasi 20:36

Ebiyoo maraakoomminaꞌo boonoshi tunetoyichiye; illa qitoochee tiyiꞌi Yeerichi bushiisheenaꞌo boonoshi tunetoyich, gubbich qitoonolla qitaacheete.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Mishiraachechinaꞌo 7:26

Wotta dechara Israꞌeeleenaꞌochi daggoochee gutteenaꞌo boonoshinaa boonoshina kaaree beetaa beeggiꞌi, yeshi shuniiya iꞌi, ‘Hini asheenaꞌote, manaamanoo ittoshi amoyichiye ittoshi xuꞌee beeto?’ iye.

Roomi 12:18

Asho bullina tookkii diggoona beemoyich ittoshich hakkeeto bullin tuniibote.

Roomi 8:14

Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

Roomi 8:16

Are Ayaano bi qelloona Yeerichi bushiishoo no tunoon no ayaanoona tookkii miixee beetone.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

1 Qorontoosi 6:6

Kittinnoo kittinnoon taggehe? Ebiyoo wotta Kiristoosi toommooch mulloon tooꞌiyaaneenaꞌo toommoochaa tunehe?

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Filipphisiyoosi 4:2

Doono Yesuusina ikkoon tuneree ikke gaboona boonoshi shunemmoyich Ewoodinaa Sinxeekinon qollehoye.

Qolaasiyaasi 3:13

Ittoshinaa ittoshina ikkoochi mooyon baroo haaꞌiibe; koniyoona bi manoo toommooch bi qoonniti mooyo beegaata, maaribote. Doono ittoshin bi maaritoommon ittoshiyoo wotta ebiyoommon maaribote.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.