Maatiyoosi 5:7 - Kafa Linguistics Project

⁷ Ariqqee beetinaꞌo diireetinaꞌone; Yeeri boonoshich ariqqemmone.

Maatiyoosi 5:7 ပူးပေါင်းရင်းမြစ်များ

2 Saameeli 17:28

Boonoshiyoo yeebboonaa tahetaa qeyeyemmi tahoonon, quppe saanoon, nuuqqoochee shuuneeti qiiceenaꞌon, teepphoon, sheqoon, buddinoon, bungee gaawoon, aatoon, michiyoon,

2 Saameeli 22:26

“Doono Yeero, neech gibeneetinaꞌoyich gibeneeto neene; oonneyaaneenaꞌoyich ceeni gaaweto neene.

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 18:25

Doono Yeero, neech gibeneetinaꞌoyich gibeneeto neene; oonneyaaneenaꞌoyich ceeni gaaweto neene.

Shoddo 37:26

Biyoo bulli aaboon wojjiye; erettiinoo iye; bi bushiisheenaꞌoo diireeton tuneheete.

Shaahiyoo 11:17

Ariqqechi asho biich gaawichiye; tunebaani maaci manjoo biich gondiihe.

Shaahiyoo 11:25

Wojjiibeeto gaannemmone; bareenaꞌon digaayiibeeto digaayemmone.

Shaahiyoo 14:21

Bi giyoon hoxeebeeto axaaxechone; tunebaani girechoyich ariqqeebeeto diireetone.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Isiyaasi 57:1

Cadiqeenaꞌo qitiyeete; deꞌe asheenaꞌo aalleheete; ebi konichi mulloocholla giyaache; koniyoona ebin gabaache; gonde mooyoochee boonoshi wodemmoyich boonoshi daammeyoon koniyoona shalligaache.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Hosee'i 2:1

“Ebich, anaami ittoshi maneenaꞌon ‘Ami’ maache ittoshi maneenaꞌon ‘Ruhaami’ getote!

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Maariqoosi 11:25

Wotta corootiya ittoshi neexehooba, shimaayooch beeti ittoshi Nihoo ittoshi axaaxoon bi maaremmoyich, ittoshi shuuteti asho bullin maaribote.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Roomi 11:30

Aageteenaꞌo tuneti ittoshi ebiyee aaf Yeerich deꞌa getaano ittoshine; tunebaani and Israꞌeeleenaꞌo Yeerich deꞌa boonoshi geto qajjitoyich, ittoshi maaroon danehote.

1 Qorontoosi 7:25

Shaagaaneenaꞌochon Doono Yesuusi taach getaanoone; tunebaani Doonochi ariqqoona gibeneeto tunaꞌa ta mulloona ta gabiton ittoshich ciiccoye.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Ximootiyoosi 1:13

Ebiyee aaf, biin naaggeto, yookketonaa giishiitona ta tunetaanoona, ebin ta tuniito ariyaanoon, wotta bi toommooch mulloon tooꞌiyaanoon bi tunetoyich taan maariye.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.