Maatiyoosi 5:6 - Kafa Linguistics Project

⁶ Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Maatiyoosi 5:6 ပူးပေါင်းရင်းမြစ်များ

Shoddo 107:9

Ebiyoo shacheweton bi digaayiitoyich, shaaceton gaawe mooyona bi michiitoyichiye.

Shoddo 145:19

Biin shattii beetinaꞌochi qaatoon ceechemmone; boonoshi cookoon waayeꞌi boonoshin wodiihe.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 63:5

Awuyonaa qefoonon maaꞌi miyoommon, ta kashe neenna digaayehane; ta noonoo galletee shoddoon emiroona neech shoddemmone.

Shoddo 65:4

Ne kaacceti asho, ne addibaabooch bi beeyemmoyich, ne waan ne katichiti asho, diireetone. Nowoo ne kexeexi gaawe mooyona, ne yaafee kexeexona michemmo noone.

Shoddo 84:2

Doono Yeerichi addibaaboon ta kashe oogichaꞌa sharaatehane; beeyechi Nuggishoo Yeerich, ta mullo, ta meenoo emiroona shoddebe.

Shaahiyoo 10:24

Gonde ashi toommooch bi shattito shaggemmone; tunebaani cadiqo bi qaatiton danemmone.

Shaahiyoo 21:21

Cadiqoonaa deꞌittinoonon qaawiibeeti asho, kashoon, cadiqoonaa oogoonon danemmone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 25:6

Beshe Mawe Doono Yeeri, hini Tsiyooni guudooch aagetoo bullich oogeti gifiroon qanniyemmone; ebi gifirooch gaaweti, awuyi meenonaa gaawe woyinee uyoonon qanniyemmone.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 65:13

Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Isiyaasi 66:11

Ebiyoo goggiibeeti bi xanoochee xamiree ittoshi michemmoyich, beshaa beshe bi gaannoochee gaawichi uyiree, ittoshi emiremmoyichiye.

Erimiyaasi 31:25

Ebiyoo nireti kasheen digaayiyemmo, shaacaa maraatetonoo michiyemmo ta tunetoyichiye” iye.

Luqaasi 1:53

Shaacetinaꞌonoo deꞌe mooyona michiitone; gaannechinaꞌonoo shokke kishoon echiitone.

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

Luqaasi 6:25

And michii beetinaꞌote, gubb shacemmo ittoshi tunetoyich, ittoshich woowo! And miiccii beetinaꞌote, gubb tuumi eeppemmoo ittoshi tunetoyich, ittoshich woowo!

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Yaaꞌoo 7:16

Illa ebiyee bekk shaaceyaachemminaꞌone; ebiyee gubb shacheweyaachemminaꞌone; aabo boonoshin yexaachemmone; gaamoo amolla boonoshin michaachemmone.